GENESIS 8:21 - Lai (Hakha) Common Language Bible 2006

²¹ Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

GENESIS 8:21 Iomraidhean Croise

GENESIS 3:17

Cun Adam cu a thawh i, “Na nupi bia na ngaih i ei hlah kan timi thei kha na ei caah vawlei hi nangmah ruangah chiatserh a si lai. Na ei khim rawl hmuhnak dingah na nun chung fak piin rian na ṭuan a hau lai.

GENESIS 4:12

Lo na thlawh tikah vawlei nih rawl zeihmanh an chuahpiak lai lo; vawlei cungah inn ngei loin a vak lengmangmi na si lai,” a ti.

GENESIS 5:29

“Bawipa nih chiat a serhmi vawlei i rian har kan ṭuannak hin, hi pa nih dinhnak a kan pek lai,” tiin, a min ah Noah a sak.

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

GENESIS 6:17

A nungmi thil vialte hrawhnak ding caah vawlei cungah buanchukcho ka tlunter lai. Vawlei cung i a ummi thil vialte an thi dih lai,

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

JOB 14:4

Cu bantukin a thiang lomi minung chung cun a thiangmi zeihmanh a chuak kho bal lai lo.

SALM 51:5

Sual cia in hrin ka si, ka nu nih a ka pawi ah khan, misual ka si cang.

SALM 58:3

Miṭhalo cu an chan chung vialte palhnak a tuahmi an si, an chuah ni in lihchim an i thawk.

SALM 58:4

Rul bantukin sivai an ngei, rawchok hnachet bantuk an si, zeihmanh an thei lo,

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

EXODUS 29:25

Cun rawl cu an kut chung khan na lak hna lai i khangh thawinak cungah khan biakṭheng cungah na khangh hna lai. Cu ti na tuah cu Bawipa duhmi rim thaw um seh ti caah a si; cu thawinak cu Bawipa sinah pekmi thawinak mei in khanghmi thawinak a si.

PHUNGTHLÛKBIA 20:9

Aho tal nih, “Ka lung cu ka thianter i ka sualnak in ka thiang cang,” an ti kho lai maw?

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

ISAIAH 47:12

“Na camh le na eih vialte kha i chiah hna; na no lio tein na hman zungzalmi an si. A bawmh zong an hei in bawmh khawh ko hnga dahkaw, na ral kha an thin zong na hei phanter khawh ko hna hnga dahkaw!

ISAIAH 47:15

Nan chan chung vialte ruahnak nan hal zungzalmi arfi zohthiam hna nih ruahnak an in pekmi hna i an in phakpi hna laimi cu hihi a si ko. An dihlak in an in kaltak hna lai i an duhnak cio paoh ah khan an kal lai, nanmah khamhtu ah a tangmi pakhat hmanh an um lai lo,” a ti.

ISAIAH 48:8

Rinh awk tlak na si lo cu ka hngalh, na chuahka in midohhmang na si cu hngalh a si. Hi ti na rak si ruangah hin hi kong na theih bal lonak le bia pakhat hmanh na hna a phak bal lonak cu a si.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

ISAIAH 65:6

“Dan ka tat hna lai tiah bia ka khiah cang i an dantatnak ding cu ka ṭial cang. An tuahmi kha hmu loin ka um sual lai lo, an sualnak ruangah khan ka lehrulh hna lai i

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

JEREMIAH 18:12

Sihmanhsehlaw annih nih an in thawh lai i, ‘Zeicahdah kan i remh len ko lai? Kan duhning cio paoh in kan tuah cio ko lai i kan lung chungin a chuakmi ning cio paoh in kan um ko lai,’ tiah an in leh lai.

JEREMIAH 8:6

An bia kha ka ngaih hna i biatak ka theihmi pakhat hmanh a um lo, ‘Aa, zei hen ka tuah,’ tiah ngaihchia in a ṭapmi misual pakhat hmanh ka hmu hna lo. Raltuknak hmun chungah rangtum a lut cutmatmi bantukin Anmahle an kalnak lam cio ah khan lu hlinh in an lut cio ko.

EZEKIEL 20:41

Nan i ṭheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 1:17

a thlaki a thlongh hna lai, sihmanhsehlaw a pum cu a cheu lai lo. Cun tlangbawi nih biakṭheng cungah cun, mei cung thing cungah cun a khangh lai; mah cucu khangh thawinak, mei in thawinak, Bawipa caah rimthaw cu a si.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.

LEVITIKAS 4:31

Cun a thau vialte cu daihnak thawinak chungin a thau lak a si bang khan a lak dih lai i tlangbawi nih biakṭheng cungah Bawipa ca i rimthaw ah a khangh lai; cun tlangbawi nih a caah remnak a tuahpiak lai i ngaihthiam a si lai.

LEVITIKAS 8:28

Cun Moses nih an kut chungin a lak hna i khangh thawinak he biakṭheng cungah a khangh hna, thleidannak thawinak, rimthaw Bawipa ca i mei in thawinak caah a khangh hna.

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

JOHAN 3:6

Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

ROM 1:21

Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.

ROM 3:23

zeicahtiah mi vialte cu kan sual dih cio ko i Pathian sunparnak kha kan bau dih cio ko.

2 KORIN 2:15

Cucaah kannih cu Khrih nih Pathian sinah a pekchanhmi rimthaw zihmui bantuk kan si, cu zihmui cu khamh lio lengmangmi hna sin zong a phan i a tlau lio lengmangmi hna sin zong a phan.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.