GENESIS 7:4 - Lai (Hakha) Common Language Bible 2006

⁴ Ni sarih chungah vawlei cungah hin ruah ni sawm li le zan sawm li ka surter lai i ka sermi thil nung vialte cu hrawh an si dih lai,” tiah a ti.

GENESIS 7:4 Iomraidhean Croise

GENESIS 2:5

vawlei cungah hin ramkung zeihmanh a um lo i thlaici zeihmanh a kho lo, zeicahtiah vawlei cungah khan ruah a surter rih lo i vawlei cung i rian a ṭuantu ahohmanh an um rih lo.

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

GENESIS 6:17

A nungmi thil vialte hrawhnak ding caah vawlei cungah buanchukcho ka tlunter lai. Vawlei cung i a ummi thil vialte an thi dih lai,

GENESIS 6:3

Cun Bawipa nih aa thawh i, “Minung hi zungzal in nun cu ka sianh hna lai lo, zeicahtiah titsa an si. Atu thawk in kum za le kum kul nak tam an nung ti lai lo,” a ti.

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

GENESIS 7:10

Ni sarih hnuah vawlei cungah buanchukcho cu a tlung.

GENESIS 7:12

vawlei cungah ruah cu ni sawm li le zan sawm li a sur.

GENESIS 7:17

Buanchukcho cu ni sawm li chung a um i ti cu a thuh caah lawng cu a cawi khawh.

GENESIS 7:3

Cun va zong kha tuah sarih cio in i luhpi hna. Cu ti na tuah cu saram hna le va hna kha, vawlei cungah hin an ci lo hlah seh tinak caah a si lai.

GENESIS 8:10

Ni sarih a ngan hnuah lawng chung cun ṭhuro cu a thlah ṭhan.

GENESIS 8:12

Cun Noah nih cun a dang ni sarih a ngan ṭhan i ṭhuro kha a thlah ṭhan; tutan cu a ra kir ti lo.

GENESIS 8:2

Vawlei tang rilipi an hna hna le van i a ummi awng hna cu a phih hna. Van in a rung surmi ruah cu a tlaih hna i

JOB 22:16

An caan a tlin hlanah lak an si i an hram cu tilian nih a fenh hna.

JOB 28:25

Thli cu a rihnak a pek i ti cu tahnak in a tah hna i

SALM 69:28

An min cu a nungmi minung cazin khan hloh si hna seh; na mi hna min cazin chungah i tel hna hlah seh.

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.