GENESIS 7:2 - Lai (Hakha) Common Language Bible 2006

² Saram thiang pawl kha cu tuah sarih cio in i luhpi hna (saram thiang timi cu ei khawhmi pawl tinak a si), asinain a thianglo pawl kha cu a nu pakhat le a pa pakhat lawngin i luhpi hna.

GENESIS 7:2 Iomraidhean Croise

GENESIS 7:3

Cun va zong kha tuah sarih cio in i luhpi hna. Cu ti na tuah cu saram hna le va hna kha, vawlei cungah hin an ci lo hlah seh tinak caah a si lai.

GENESIS 7:8

Cun Pathian nawl pek bangin, saram thiang pawl khan phun khat ah a nu le a pa cio, a thianglo pawl khan phun khat ah a nu le a pa cio ve, va hna chung khan phun khat ah a nu le a pa cio le saram hna pawl chung khan phun khat ah a nu le a pa cio ṭhiamṭhiam Noah sinah cun lawng chungah khan an lut.

GENESIS 8:20

Noah nih Bawipa caah biakṭheng pakhat a ser; saram thiang pawl le va chung khan phun khat ah pakhat cio a lak hna i khangh thawinak caah biakṭheng cungah cun a khangh hna.

EZEKIEL 44:23

A thiangmi thil kha a thiang lomi thil lakin thleidan khawh ding kha ka mi cu an cawnpiak hna lai i a thiangmi thil le a thiang lomi thil an i dannak kha an hmuhsak hna lai.

LEVITIKAS 10:10

Nannih nih a thianghlim le zaran tawnghmi, cun a thianglo le a thiang kha nan thleidan lai i