GENESIS 6:8 - Lai (Hakha) Common Language Bible 2006

⁸ Asinain Noah nih cun Bawipa kha a lung a ton.

GENESIS 6:8 Iomraidhean Croise

GENESIS 19:19

Zohhmanh, ka cungah zaangfahnak nganpi na tuah cang i ka nunnak na ka khamh hi na ka zaangfah ruangah cun a si ko. Tlang cu an hla tuk i ka phak hlanah rawhnak nih khan a ka cil lai i ka thi lai.

SALM 145:20

Amah a dawtu cu an dihlak in a huhphenh hna, sihmanhsehlaw miṭhalo cu a hrawh dih hna lai.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

PHUNGTHLÛKBIA 12:2

Bawipa nih miṭha cu a lawmh hna, sihmanhsehlaw ṭhat lonak khua a khangtu cu sual a phawt hna.

PHUNGTHLÛKBIA 3:4

Cuticun Pathian le minung mithmuh ah Mithmai ṭha le thangṭhatnak na hmuh lai.

PHUNGTHLÛKBIA 8:35

Zeicahtiah keimah a ka hmutu nih cun nunnak kha a hmuh i Bawipa sinin duhdawtnak kha a hmuh;

JEREMIAH 31:2

Mah hihi Bawipa bia cu a si: Vainam in a luatmi hna nih khan thetse ram ah zaangfahnak an hmuh; Israel mi hna nih dinhnak kha an duh tikah,

EZEKIEL 14:14

Noah, Daniel le Job, kha mi pathum hna hmanh kha nung rih hna seh law, anmah nunnak dah ti lo cu an dinnak nih khan ahohmanh a khamh kho hlei hna lai lo. Mah hihi Bawipa Pathian bia hrimhrim a si.

MATTHAI 24:37

Mi Fapa a rat cu Noah chan i thil umtuning bantuk kha a si lai.

LUKA 1:30

Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih.

LUKA 17:26

Noah chan ah a rak si bantuk khan Mi Fapa chan zongah a si ve lai.

LAMKALTU 7:46

David nih cun Pathian duhdawtnak kha a hmuh i Jakob Pathian caah inn pakhat sak awkah Pathian kha a hal.

ROM 11:6

A thim hna cu a zaangfah hna ruangah a si ko, anmah tuahmi ruangah a si lo. Zeicahtiah Pathian nih a thimmi hna cu anmah tuahmi ruangah a si ahcun a zaangfahnak cu zaangfahnak taktak a tling lomi pei a si hnga cu.

ROM 4:4

Rian a ṭuanmi cu ṭuan man pek a si tawn; a nihlawh cu laksawng a si tiah tipiak a si bal lo, a ṭuan man i a hmuhmi a si.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

2TIMOTE 1:18

Khi Ni ah Bawipa sin in zaangfahnak a hmuh nakhnga a caah thla ka cam. Cun ka caah zeitluk in dah Efesa khua ah rian a ṭuan ti kha na hngalh.

TITAS 2:11

Zeicahtiah Pathian nih a vel cu mi vialte khamhnak caah a phuan cang.

TITAS 3:7

cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

1 PETER 3:20

Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chungah a lutmi mi tlawmte — minung an dihlak ah pariat hna kha — ti chung cun khamh an si i

2 PETER 2:5

Hlanlio vawlei zong kha Pathian nih a rak zuah lo. Buanchukcho kha a tlunter i Pathian zei i a rel lomi kha an thi dih; a nungmi cu, dinnak kong a chimtu Noah le midang pasarih lawng kha an si.