GENESIS 6:18 - Lai (Hakha) Common Language Bible 2006

¹⁸ sihmanhsehlaw nangmah he cun biakamnak tu ka ser lai. Lawng chungah cun na nupi le na fapa hna le an nupile hna kha na luhpi hna lai i

GENESIS 6:18 Iomraidhean Croise

GENESIS 17:21

Cun ka biakamnak cu, Sarah nih kumvoi atu tik i an hrinpiak laimi na fapa Isak sinah ka fehter lai,” a ti.

GENESIS 17:4

“Hi biakamnak hi kan pek: nangmah cu miphun tampi a hringsortu hna na si lai.

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

GENESIS 7:1

Bawipa nih Noah cu a thawh i, “Na innchung khar dihlak he lawng chungah cun lut tuah; nangmah lawnglawng hi atu mi hna lakah hin ka lung a ka tongmi na si.

GENESIS 7:13

Cu ni ah cun Noah le a nupi, a fapa pathum hna, Shem, Ham le Jafeth le an nupile kha, lawng chungah cun an lut.

GENESIS 7:7

Amah le a nupi, a fapale hna le an nupile hna cu buanchukcho in luat awkah lawng chungah cun an lut.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

1 PETER 3:20

Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chungah a lutmi mi tlawmte — minung an dihlak ah pariat hna kha — ti chung cun khamh an si i

2 PETER 2:5

Hlanlio vawlei zong kha Pathian nih a rak zuah lo. Buanchukcho kha a tlunter i Pathian zei i a rel lomi kha an thi dih; a nungmi cu, dinnak kong a chimtu Noah le midang pasarih lawng kha an si.