GENESIS 5:3 - Lai (Hakha) Common Language Bible 2006

³ Adam cu kum za le sawm thum a si tikah amah bantuk a simi fapa pakhat a ngei i a min ah Seth a sak.

GENESIS 5:3 Iomraidhean Croise

GENESIS 4:25

Cun Adam nih khan a nupi cu a hngalh ṭhan i fapa a hrin. A nupi nih cun, “Kain nih a thahmi Abel airawltu ah khan Pathian nih fapa pakhat a ka pek,” a ti i a min ah Seth a sak.

GENESIS 5:2

Nu le pa in a ser hna i thluachuahnak a pek hna i “Minung phun” tiah min a sak hna).

GENESIS 5:4

Cu hnuah cun Adam cu kum za riat a nung rih. Fa dang kha a ngeih hna i

JOB 14:4

Cu bantukin a thiang lomi minung chung cun a thiangmi zeihmanh a chuak kho bal lai lo.

JOB 25:4

A si ahcun, zeitindah Pathian hmaiah minung cu a din khawh lai? Nu chungin a chuakmi cu zeitindah a thian khawh lai?

SALM 51:5

Sual cia in hrin ka si, ka nu nih a ka pawi ah khan, misual ka si cang.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

LUKA 3:36

Shelah cu Kainan fapa a si, Kainan cu Arpaksad fapa a si, Arpaksad cu Shem fapa a si, Shem cu Noah fapa a si, Noah cu Lamek fapa a si,

JOHAN 3:6

Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

ROM 5:12

Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.

1 KORIN 15:39

Thilnung kip nih an ngeih ciomi titsa hi an i khat dih lo, minung nih titsa phun khat an ngeih, saram nih phun dang, va nih phun dang, nga nih phun dang, an ngeih.

1 KORIN 15:49

Vawlei in sermi mui kha kan i hruk bantukin vancung in a ra Mi cu kan i hruk lai.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.