GENESIS 47:23 - Lai (Hakha) Common Language Bible 2006

²³ Josef nih mizapi cu a thawh hna i, “Nihin ah Faro caah nanmah le nan ram cu kan cawk cang hna. Hika ah hin nan caah thlaici a um. I lak u law nan lo ah tuh hna u.

GENESIS 47:23 Iomraidhean Croise

GENESIS 41:27

Cun caw der pasarih hnu deuh i a hung chuakmi le nichuahlei thli nih thep selsul in a chemmi favui chia pasarih zong kha mangṭam kum sarih an si ve.

GENESIS 45:6

Ram chung i mangṭam a tlun hi a kum hnihnak lawng a si rih, a dang kum nga a um rih lai i cu chungah cun lothlawh zong a um lai lo, rawl ṭuan zong a um lai lo.

GENESIS 47:22

A cawk lomi ram cu tlangbawi hna ram a simi lawnglawng kha an si. Annih cu Faro nih ei awk a pek hna caah an ram zuarh cu a hau lo.

GENESIS 47:24

Nan ṭuan tikah cheu nga cheu khat kha Faro nan pek lai. A taangmi cu nanmah caah a si lai, nan lo tuh awk thlaici ca le nanmah le nan innchungkhar hna le nan fale hna ei awk rawl caah a si lai,” a ti.

SALM 112:5

Mi chaw a cawih hna tikah siang ngaiin a cawih i a rian a ṭuannak ah lihchim lo tein a ummi cu milunglawm an si.

SALM 41:1

Sifak zawn a ruatmi cu lunglawmmi a si, harnak chung i a um tikah Bawipa nih a bawmh lai.

PHUNGTHLÛKBIA 11:26

A rawl kha zuar a siang lomi cu mi nih chiat an serh, sihmanhsehlaw zuar a siangmi cu mi nih thluachuahnak an pek.

PHUNGTHLÛKBIA 12:11

Amah a lote a thlo lengmangmi cu ei awk a za in a ngei, sihmanhsehlaw san a tlai lomi rian i caan pakpalawng i hman cu hruh a si.

PHUNGTHLÛKBIA 13:23

Thlawh lomi vawlei nih misifak mi hna caah rawl a za in a chuah ko lai, sihmanhsehlaw cu zong cu dinlonak thawngin a lo dih ko lai.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

ISAIAH 55:10

Ka bia cu van in a rung tlami ruah le hawhra bantuk a si lai. Ruah le hawhra nih cun, van ah kir ṭhan ti loin vawlei kha an hnawnter i thlaici kha an khohter i an ṭhanter i thlaici tuhtu kha thlaici an pek hna i rawl eitu kha rawl an pek hna.

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

2 KORIN 9:10

Cun thlaici tuhtu thlaici a petu le ei awk rawl a petu Pathian nih cun nan herhmi thlaici vialte kha an pek hna lai, nan siannak chung khan theipar tampi chuahter awkah amah nih cun a ṭhanter lai.