GENESIS 43:15 - Lai (Hakha) Common Language Bible 2006

¹⁵ Cucaah laksawng kha an i phorh i tangka zong kha a let hnih in an i phorh; Benjamin zong kha an i kalpi. An i tim i Izipt ah cun an vung kal i Josef hmaiah cun an vung chuak.

GENESIS 43:15 Iomraidhean Croise

GENESIS 42:35

An sawngkhoi kha an vun tlen cio tikah an phaisa sawngkhoi cio kha an sawngkhoi chung cio ah cun an rak um; an phaisa sawngkhoi kha an hmuh hna tikah anmah he an pa he an thin a phang.

GENESIS 43:11

An pa Israel nih cun, “Cu ti bantukin a si awk a si ahcun, hitihin tuah u: hi ram chung thil chuak ṭha bikbik kha i phorh hna u, mitsur thei car tlawmpal, khuaihliti tlawmpal, hangṭamh, hru thei le almon thei, hi hna hi nan sawngkhoi chungah i sanh hna u law mipa cu laksawng ah vung phorh u.

GENESIS 43:21

Riah hmun kan phak i kan sawngkhoi kan kau cio tikah kan sawngkhoi kaa ah khan kan tangka kha kan hmuh cio — kan tangka a dihlak tling tein, a rih ning zong a sining tein. Cucu atu ah hin kan rak i phorh ṭhan hna.

GENESIS 43:25

Josef chun i a rat tik caah cun an laksawng cu an rak timh hna; cuka ah rawl kan ei lai ti kha an theih.

2 CHANRELNAK 28:7

Cun Efraim miṭhawng Zikhri nih siangpahrang fapa Maaseiah le siangpahrang inn uktu Azrikam le nawl ngeihnak leiah siangpahrang a hun dottu Elkanah kha a thah hna.

PHUNGTHLÛKBIA 19:6

Mi tampi nih mi lian he hawikom sinak kha an kawl, Laksawng a pe lengmang tu caah cun aho paoh hawikom an si ko.