GENESIS 40:20 - Lai (Hakha) Common Language Bible 2006

²⁰ A ni thum ni ah cun Faro chuah ni kha a hung si, a bawi vialte hna caah rawl danghnak pakhat a ser i a zu bawi le a changreu sertu upa bik kha a bawi vialte hna hmaiah cun a chuahter hna.

GENESIS 40:20 Iomraidhean Croise

GENESIS 21:8

Ngakchia cu a ṭhang i a hnuk thlah ni ah Abraham nih puai nganpi a serpiak.

GENESIS 40:13

Ni thum chungah Faro nih an chuahter lai i an ngaihthiam lai i na hmun ah an chiah ṭhan lai; Faro cu a zu bawi na rak si lio i na rak pek tawn bang khan a hrai cu na pek ṭhan lai.

GENESIS 40:19

ni thum chungah Faro nih an chuah lai i na lu an tan lai. Cun na ruak kha thingkung ah a thlai lai i va nih na sa kha an ei lai,” a ti.

1 SIANGPAHRANG 3:15

Cun Solomon cu a hun i hlau i zohhmanh, mang a si. Cun Jerusalem ah a ra i Bawipa biakamnak kuang hmaiah khan a dir i khangh thawinak hna le daihnak thawinak hna kha a pekchanh hna i a sinum vialte kha rawl danghnak a serpiak hna.

2 SIANGPAHRANG 25:27

Judah siangpahrang Jehoiachin sal i a tan kum sawm thum le kum sarihnak, thla hleihnihnak thla a ni kul le ni sarihnak ni ah, Babilon siangpahrang Evil-merodak nih, Judah siangpahrang cu a zaangfah caah thong chungin a chuah, cu kum cu siangpahrang a can kum a si;

ESTHER 1:3

a bawinak kum thum kum ah khan a bawi vialte hna le a sinum hna caah puai a tuah i Persia le Media ralbawi hna le ram uktu bawi hna le tuavon hna kha a hmaiah cun an um i

JOB 3:1

Hi hnuah hin Job nih a ka a pau i a chuah ni kha chiat a serh.

SALM 105:19

A rak chim chungmi kha a tlin hlantiang, Bawipa nawl in hneksaknak kha a ing.

JEREMIAH 52:31

Cun Judah siangpahrang Jehoiakim sal i a taan kum sawm thum le kum sarih kum, a thla hleihnih thla, cu thla ni kul le ni nga ni ah, Babilon siangpahrang Evil-merodak cu siangpahrang a can kum a si i Judah siangpahrang Jehoiachin cu a zaangfah i thong chungin a chuah;

MATTHAI 14:6

Herod chuah ni ah Herodias fanute kha zapi hmaiah cun a lam i Herod cu a lung a ton hringhran.

MATTHAI 25:19

“Caan saupi hnuah khin an bawipa cu a ra tlung ṭhan i an tangka hmannak kong kha felfai in a tuahpi hna.

MARKA 6:21

A hmanung bik ah Herodias nih caan rem kha a hmuh. Cu caan cu Herod chuah ni ah khan a si i Herod nih cun uknak lei a tlaitu bawi vialte hna le ralkap lei bawi hna le Galilee ram upa hna caah khan puai a tuah.