GENESIS 4:8 - Lai (Hakha) Common Language Bible 2006

⁸ Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

GENESIS 4:8 Iomraidhean Croise

GENESIS 4:25

Cun Adam nih khan a nupi cu a hngalh ṭhan i fapa a hrin. A nupi nih cun, “Kain nih a thahmi Abel airawltu ah khan Pathian nih fapa pakhat a ka pek,” a ti i a min ah Seth a sak.

2 SAMUEL 14:6

Cun na salnu nih hin fapa pahnih ka ngeih hna i lo ah an i si i a ṭhentu hna an um lo i pakhat nih pakhat cu a tuk i a thah.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 CHANRELNAK 21:4

Jehoram cu a pa bawi ṭhutdan cung i a kai i a feh tikah, a unau vialte cu vainam in a thah hna i Judah ram bawi a cheukhat zong kha a thah hna.

NEHEMIAH 6:2

Sanballat le Geshem nih cun ka sinah mi an hun thlah hna i, “Ra law Ono nelrawn i Hakkephirim khua ah kan i tong tuah lai,” an ti; sihmanhsehlaw hihi cu an i timhmi keimah cung i harnak tlunter an duhmi khuhnak ca i hlennak men a si.

JOB 11:15

Khi tikah dotlak lonak um loin na hmai cu na langh lai; Him tein na um lai i na ning a ṭi lai lo.

SALM 139:19

Maw Pathian, miṭhalo kha cu that ko hna, ti ka duh. Mipuarhrang pawl nih hin ka kaltak hna seh, ti ka duh hringhran ko.

SALM 36:3

A kaa chuak bia cu bia ṭha lo le lih lawng an si i mifim si i thil ṭha tuah kha a ngol cang.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

MIKAH 7:6

Zeicahtiah hi caan ah hin cun fapale nih an pale kha an thangchiat hna i fanule nih an nule kha an doh hna; Fapa hna nupile nih an vale nu kha an doh hna i cucaah an ral hna cu anmah innchungkhar mi lila kha an si.

NAMBAR 35:20

Cun huatnak ruangah a nam ah siseh, a bawh i a cheh ah siseh, a thih ahcun,

MATTHAI 23:35

Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

LUKA 11:51

Abel an nawnnak thawk in biakṭheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

LUKA 22:48

Sihmanhsehlaw Jesuh nih a rak thawh i, “Judas, Mi Fapa hi hnamh in maw na rawi ko lai?” tiah a ti.

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.