GENESIS 3:13 - Lai (Hakha) Common Language Bible 2006

¹³ Bawipa Pathian nih minu cu a thawh i, “Zeicahdah hihi na tuah?” tiah a hal. Minu nih cun, “Rul nih a ka hlen i a ka eiter,” tiah a leh.

GENESIS 3:13 Iomraidhean Croise

GENESIS 12:18

Cu tikah Faro nih Abram cu mi kha a auhter hna i, “Zeicahdah hi bantukin ka cungah rian na ṭuan? Zeicahdah ka nupi a si tiah na ka chimh lo?

GENESIS 44:15

Josef nih cun, “Zeidah nan tuah? Keimah bantuk minung nih hin cun litin in nan umtuning ka hngalh khawh dih kha nan hngal lo maw?” a ti.

2 SAMUEL 3:24

Khi tikah Joab cu siangpahrang sinah khan a va kal i, “Zeidah na rak tuah? Zohhmanh, Abner cu na sinah a rak ra; zeicahdah na rak kalter i cucaah a rak kal diam cang?

1 SIANGPAHRANG 13:18

Cun anih nih amah cu a thawh i, “Keimah zong hi nangmah bantukin profet ka si ve, Bawipa bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi ṭhan,’ a ti cu,” tiah a ti. Sihmanhsehlaw amah cu lih a chimh a si.

LEVITIKAS 12:5

Sihmanhsehlaw fanu a hrin ahcun, zarh hnih thianglo a si lai, nuphung a hngalh caan bantuk khan; cun thisen ruangah cun i thianh lengmang in ni sawm ruk le ni ruk a um rih awk a si lai.

JONAH 1:10

Lawngcawng pawl cu an thin a phang i, “Zei thil ṭhalo dah na tuah?” tiah an ti. Annih cu a chimh hna caah Bawipa sinin a zam kha an hngalh.

JOHAN 18:35

Pilat nih cun, “Kei cu Judah mi ah maw na ka ruah? Nangmah na phun hawile an tlangbawi upa hna nih pei ka sin an in phakter ko cu. Na tuahmi cu zeidah a si?” tiah a leh.

ROM 7:11

Sualnak nih ṭuannak caan ṭha kha aa hmuh i nawlbia cu i hman riangmang in a ka hlen; nawlbia thawng cun sualnak nih cun a ka thah.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

1TIMOTE 2:14

Hlen khawhmi cu Adam kha a si ṭung lo, nu kha pei a si i Pathian nawl zong a buar kha.

1 SAMUEL 13:11

Samuel nih, “Zeidah na rak tuah?” tiah a ti. Cun Saul nih, “Mi kha ka sinin an ṭiao lengmang cang ti kha ka hmuh tik le kan ni tinhmi chungah na rat ti lo ca le Filistin mi kha Mikmash ah an i pumh luaimai caah,

1 SAMUEL 15:15

Saul nih, “Amalek mi hna sinin an ratpimi an si; zeitintiah mi nih tuu lak i a ṭha bik hna le cawtum lak i a ṭha bik hna kha Bawipa na Pathian sin i raithawi awkah an zuah hna; cun a dang vialte cu kan hrawh cikcek hna,” tiah a ti.