GENESIS 3:1 - Lai (Hakha) Common Language Bible 2006

¹ Bawipa Pathian nih a sermi saram hna lakah rul hi a zer bik. Rul nih cun minu kha a thawh i, “Dum chung i a ummi thingthei hi a zeihmanh nan ei lai lo tiah Pathian nih an ti taktak hna maw?” tiah a hal.

GENESIS 3:1 Iomraidhean Croise

PHUNGCHIMTU 4:10

Pakhat kha a tluk sual ahcun pakhat nih khan a bawmh khawh. Sihmanhsehlaw mi pakhatkhat cu amah lawng a si i a tluk sual ahcun a poi ngaingai ko amah a bawmtu ahohmanh an um ti lo.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 4:3

Khuachia cu a sinah a ra i, “Nangmah cu Pathian Fapa na si ahcun, hi lung hi changreu ah canter hna ngat,” tiah a ti.

MATTHAI 4:6

Cun a thawh i, “Nangmah cu Pathian Fapa na si ahcun, vawlei ah khin vung zuang tuah; zeicahtiah Cathiang nih pei, ‘Pathian nih nangmah kong ah a vancungmi kha nawl a pek hna i annih nih an kut in an in cawi lai i na ke cu lung ah naa khawng lai lo,’ a ti kha,” tiah a ti.

MATTHAI 4:9

“Na khuk naa bil i na ka biak ahcun hi vialte hi kan pek dih lai,” tiah a ti.

2 KORIN 11:14

Cucu khuaruahhar awk a si lo, zeicahtiah Satan hmanh nih pei ceunak vancungmi bantuk aa siter khawh cu.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

1 PETER 3:7

Nannih patung hna zong nan nupile he nan um tikah, annih cu a der deuhmi an si kha philh hlah u. Cucaah bia nan chimh hna tikah hmaizah tein nan chimh hna lai i Pathian pekmi laksawng nunnak cu annih zong nih an co khawh ve lai. Hi bantuk hin um u law zeihmanh nih nan thlacamnak kha hna a hnawh kho lai lo.

BIAPHUAN 12:15

Cun minu cu fenh seh tiah limkeng nih khan a kaa chungin tilian a chuahter.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 20:2

Rulhreu, limkeng kha a tlaih i kum thong khat a hren — cu limkeng cu Khuachia, asiloah, Satan kha a si.