GENESIS 28:21 - Lai (Hakha) Common Language Bible 2006

²¹ ka pa inn ah him tein ka kir ṭhan ahcun nangmah cu ka Pathian na si lai.

GENESIS 28:21 Iomraidhean Croise

2 SAMUEL 15:8

Zeitintiah na sal nih Aram ram Geshur i ka um lioah biahrennak pakhat ka rak tuah i, ‘Bawipa nih Jerusalem ah a ka kirpi taktak ahcun, Bawipa sinah biaknak ka pekchanh lai,’ tiah ka rak ti,” tiah a ti.

2 SAMUEL 19:24

Cun Saul tupa Mefibosheth kha siangpahrang don awkah a rung; siangpahrang a kal ni thawk in him tein a kir ṭhan ni tiang, a ke zong kha a milhtlorh hna lo, a khahmul zong kha a riam hna lo i a hnipuan zong kha a su hna lo.

2 SAMUEL 19:30

Cun Mefibosheth nih siangpahrang cu a thawh i, “Siangpahrang ka bawipa cu a inn i him tein a rat cang hnu paohpaoh ahcun, amah nih a dihlak in i lak ko seh,” tiah a ti.

2 SIANGPAHRANG 5:17

Khi tikah Naaman nih, “A si lo ahcun, na sal hi vawlei laa pahnih phor ka pe tuah, tiah kan nawl; zeitintiah hmailei ah cun Bawipa sinah dah ti lo ahcun na sal nih hin zei pathian sin hmanh ah khangh thawinak siseh, raithawinak siseh, ka pechan lai lo.

1 CHANRELNAK 4:10

Jabez nih cun Israel Pathian cu a auh i, “Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh,” tiah a ti. Cun Pathian nih a halmi kha a pek.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

DEUTERONOMI 26:17

Bawipa kongah nihin ah amah cu kan Pathian a si i, amah lam kha kan zulh i, a phungbia le a nawlbia le a phunglam hna kha kan ulh lai i, a aw kha kan ngaih lai, tiah nan ti cang.

BIACEIHTU 11:31

Ammon mi hna sinin teinak he ka kir tikah keimah don awkah ka inn innka chungin a chuakmi paoh cu Bawipa ta a si lai i khangh thawinak caah ka pekchanh lai,” tiah a ti.