GENESIS 26:3 - Lai (Hakha) Common Language Bible 2006

³ Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 26:3 Iomraidhean Croise

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

GENESIS 13:15

na hmuhmi ram vialte kha nangmah le na tefa cu kan pek hna lai i a zungzal in nan ta a si lai.

GENESIS 13:17

Cucaah i tim law ram hi a pumpi in ṭol tuah, zeicahtiah a dihlak in nangmah cu kan pek lai,” a ti.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 17:19

Sihmanhsehlaw Pathian nih, “Na palh; na nupi Sarah nih fapa an hrinpiak lai i a min ah Isak na sak lai. Amah le a tefa hna sinah khan ka biakamnak cu ka fehter lai. Cu ka biakamnak cu zungzal hmunmi biakamnak a si.

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

GENESIS 20:1

Abraham cu Mamre khan Negeb ram leiah aa thawn i Kadesh le Shur karlak ah khan a um. Gerar i a um lioah khan

GENESIS 25:11

Abraham thih hnuah a fapa Isak cu Pathian nih thluachuah a pek. Isak cu Beer-lahai-roi ah khan khua a sa.

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

GENESIS 26:14

Tuurun tampi le cawrun tampi le sal tampi a ngeih hna caah Filistin mi nih khan an nahchuah.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 31:3

Cun Bawipa nih khan, “Na pupa hna le na rualchan hna ram ah khan kir cang. Na sinah ka um lai,” a ti.

GENESIS 35:12

Abraham le Isak ka pekmi hna ram kha nangmah kan pek lai i cu ram cu na hnu i a ummi na tefa hna zong cu ka pek hna lai,” a ti.

GENESIS 39:2

Bawipa nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

GENESIS 39:21

Asinain Bawipa nih khan Josef cu a umpi i a cungah zaangfahnak a ngei i cucaah thongbawi kha a lung a hmuh ngaingai.

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

1 CHANRELNAK 16:16

Abraham he biakamnak a tuah, Isak sinah chiatser in bia a kam;

SALM 105:8

Biakamnak a sermi cu zungzal in a zulh lai, a biakamnak cu chan thong khat tiang a zulh lai,

SALM 105:9

Abraham le Isak he a tuahmi biakamnak kha a zulh hna lai.

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

EXODUS 2:24

an hrumainak kha a theihpiak hna i Abraham le Isak le Jakob sin i a sermi a biakamnak kha a philh lo.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

EXODUS 6:4

Anmah he khan biakamnak zong ka rak tuah i ramdangmi bantukin khua an rak saknak ram Kanaan ram kha kan pek hna lai, tiah bia ka rak kam hna.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

EXODUS 6:8

Chiatser tein Abraham le Isak le Jakob sinah kan pek hna lai ti in bia kaa kammi ram ah khan kan kalpi hna lai; cu ram cu nanmah ta ding hrimhrim ah kan pek hna lai. Kei cu Bawipa kha ka si,’ a ti, tiah na va chimh hrimhrim hna lai,” a ti.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 43:5

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 34:4

Cun Bawipa nih a chawnh i, “Mah hi ram hi Abraham, Isak le Jakob sinah, ‘Nan tefa hna sinah ka pek lai,’ tiin chiat ka sermi ram a si. Na mit cun kan hmuhter, sihmanhsehlaw khika ah cun na kal lai lo,” tiah a ti.

FILIPI 4:9

Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.

HEBRU 11:9

Pathian nih a kamhmi ram chungah khan zumhnak in ramdangmi bantukin khua a sa. Isak le Jakob he tiah thlam chungah khan khua an sa i cu hna zong cu Pathian biakamnak a hmumi an si ve.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.