GENESIS 26:27 - Lai (Hakha) Common Language Bible 2006

²⁷ Isak nih cun a rak thawh i, “Hlan vial ah na ka rem lo i na ram in na ka dawi, zeicahdah atu ah keimah ton awkah na rat?” a rak ti.

GENESIS 26:27 Iomraidhean Croise

GENESIS 26:14

Tuurun tampi le cawrun tampi le sal tampi a ngeih hna caah Filistin mi nih khan an nahchuah.

GENESIS 26:16

Cun Abimelek nih Isak cu a thawh i, “Kan kaltak cang. Kanmah nakin na ṭhawng tuk cang,” a ti.

GENESIS 26:28

Annih nih cun, “Atu cu Pathian nih an umpi kha kan hngalh i nangmah le kanmah karlak ah biakamnak a fekmi a um awk a herh tiah kan ruah.

LAMKALTU 7:14

Cucaah Josef nih a pa Jakob cu bia a hun cah i amah le a innchungkhar vialte cu Izipt ram ah ra dih u, tiah a ti hna; an dihlak in minung sawm sarih le panga an si.

LAMKALTU 7:27

Sihmanhsehlaw a sual deuhpa nih khan Moses cu a nam i, “Aho nih dah nangmah cu kan cung i uktu bawi ah an in ser?

LAMKALTU 7:35

“Moses kha Israel mi nih an rak hlawtmipa a si. ‘Kan cung i uktu bawi le biaceihtu ah aho nih dah aan chiah?’ tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

LAMKALTU 7:9

“Kan pupa hna nih cun Josef kha an nahchuah i Izipt ram i sal vung si awkah an zuarh. Sihmanhsehlaw Pathian nih a umpi i

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.

BIACEIHTU 11:7

Sihmanhsehlaw Jepthah nih Gilead upa hna cu, “Nannih nih nan ka huat i ka pa inn in nan ka dawi a si lo mei? Zeicahdah atu ah harnak chung nan phak tikah ka sinah nan rat?” tiah a ti hna.