GENESIS 26:12 - Lai (Hakha) Common Language Bible 2006

¹² Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

GENESIS 26:12 Iomraidhean Croise

GENESIS 24:1

Abraham cu a tar ngaingai cang i a thil tuahmi kip ah khan Bawipa nih thluachuahnak a pek.

GENESIS 24:35

Bawipa nih ka bawipa cu thluachuahnak tampi a pek i mi lianngan pakhat ah a ser. Tuurun le mehehrun le caw le sui le ngun le salnu le salpa le kalauk le laa kha a pek hna.

GENESIS 25:11

Abraham thih hnuah a fapa Isak cu Pathian nih thluachuah a pek. Isak cu Beer-lahai-roi ah khan khua a sa.

GENESIS 26:29

Na cungah harnak zeihmanh kan tuah lo bantukin nang zong nih kan cungah na tuah nakhnga lo bia i kam ti kan in duh. Na cungah zaangfahnak kan rak ngei i dai tein kan in kalter. Atu cu Bawipa nih thluachuah an pek cang,” an ti.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

SALM 67:6

Vawlei nih rawl kha a chuahter cang, Pathian kan Pathian nih thluachuah a kan pek cang.

SALM 72:16

Ram chungah rawl tam piin um ko seh; Lebanon tlang i a ummi rawl kung ṭha bantuk nih tlang vialte cu tuam dih hna seh. Ramlak i a khomi ram bantukin khuapi cu minung in khat hna seh.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

ZEKHARIAH 8:12

Hnangam tein thlaici kha an thlak cang lai; mitsur ruang nih a thei kha a tlai lai i vawlei nih theipar a chuahter lai, van nih dap cu an surter lai; hi thil vialte hi hi miphun chungin a tangmi hna cu ka pek hna lai.

MATTHAI 13:23

Cun vawlei ṭhatnak hmun i a tlami thlaici cu Vancung Pennak kong kha a thei i a sullam zong a hngalmi kha an si. Thei kha an tlai i a cheu cu a let za khat in, a cheu cu a let sawm ruk in, a cheu cu a let sawm thum in an karh,” tiah a ti.

MATTHAI 13:8

Sihmanhsehlaw thlaici a cheu cu vawlei ṭhatnak ah an tla i a let za khat, a let sawm ruk, a let sawm thum in an vui,” a ti.

MARKA 4:8

Asinain thlaici a cheu cu vawlei ṭhatnak ah an tla, an hung keu, an hung ṭhang i theipar an ngei: a cheu let sawm thum in an karh, a cheu let sawm ruk in an karh, a cheu let za khat in an karh,” tiah a ti

1 KORIN 3:6

Kei nih a ci ka tuh, Apollo nih a kung kha ti a toih, sihmanhsehlaw a ṭhantertu cu Pathian a si.