GENESIS 24:3 - Lai (Hakha) Common Language Bible 2006

³ Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

GENESIS 24:3 Iomraidhean Croise

GENESIS 14:19

thluachuah a pek i: “Van le vawlei a sertu Cung Nung Bik Pathian nih Abram cu thluachuah in pe seh.

GENESIS 14:22

Sihmanhsehlaw Abram nih cun a leh i, “Van le vawlei a sertu Cung Nung Bik Pathian hmaiah chiatser tein bia kaa kam i,

GENESIS 21:23

Cucaah cun keimah siseh ka fale si hna seh ka tefa si hna seh, na kan hlen nakhnga lo Pathian hmaiah hin bia i kam. Kei cu na cungah zumhawktlak in ka um, cu bantuk cun nang zong ka cung le na umnak ram cungah hin zumhawktlak na si nakhnga bia i kam,” a ti.

GENESIS 24:7

Vancung Pathian Bawipa nih, ka pa inn le ka sahlawh le ka rualchan vialte hna sinin a ka chuahpi i, hi ram hi na tefa ka pek hna lai, tiah chiatser tein bia a ka kam. A vancungmi kha na hmaiah a thlah lai i cuka ah cun ka fapa caah nupi ding na va hmuh ko lai.

GENESIS 27:46

Rebekah nih Isak cu a thawh i, “Esau nih a ṭhit mi hna ramdangmi a nupile nih hin an ka nor tuk hringhran. Jakob zong nih Hit mi hi a ṭhit ve sual ahcun, ka caah thih hmanh a ṭha deuh,” a ti.

GENESIS 28:1

Isak nih Jakob cu a kawh i thluachuah a pek hnuah, “Kanaan mi nu hi cu ṭhi hna hlah.

GENESIS 28:8

Cucaah Esau nih, ka pa Isak nih Kanaan mi nu kha a duh hna lo ti kha a hngalh.

GENESIS 34:9

Ṭhitumnak in hmunkhat i a ṭangṭimi ah i cang u si law kannih nih na fanu kha kan ṭhit hna lai i nannih nih kan fanu kha nan ṭhit ve hna lai.

GENESIS 38:2

Cuka ah cun Judah nih khan Kanaan mipa a min Shua a simi fanu pakhat a va hmuh. A ṭhit i a ihpi i

GENESIS 47:31

Israel nih cun, “Ka tuah lai, tiah bia i kam,” a ti. Josef nih bia cu aa kam i Israel nih cun a ihkhun lu lei hoih khan a lu a khun.

GENESIS 50:25

Cun Josef nih cun Israel fapale kha bia a kamter hna i, “Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u,” a ti hna.

GENESIS 6:2

Cu fanu hna an i dawh cu pathian fapa hna nih khan an hmuh hna i cucaah an duhmi kha an i thim hna i an ṭhit hna.

GENESIS 6:4

Cu caan le cu hnu zongah cun, vawlei cungah hin Nefilim mingan pipi kha an rak um i annih cu minung fanu hna le pathian fapa hna tefa kha an si. Annih cu hlanliomi mi ralṭha le mi minthang kha an si.

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

2 CHANRELNAK 2:12

Huram nih cun hi ti zong hin a ti fawn, “Bawipa, Israel Pathian, van le vawlei a ser i Bawipa caah biakinn le amah caah siangpahrang inn i saknak ding caah ruahnak fim le hngalhthiamnak a ngeimi fapa David Siangpahrang a petu cu thangṭhat si ko seh.

EZRA 5:11

Cun mah hihi an kan lehnak cu a si: ‘Kannih cu van le vawlei hna i an Pathian sal kan si i Israel siangpahrang a liannganmi pakhat nih a rak sak i a rak limmi inn, kan hnulei hlanpi i rak sakmi inn kha kan remh ṭhan.

NEHEMIAH 13:25

Cun ka sik hna i chiat ka serh hna i a cheu cu ka velh hna i an sam kha ka tiao hna; cun Pathian min chalh in chiat ka serter hna i, “An fapa hna cu nan fanu hna kha nan pe hna lai lo i an fanu hna zong nan fapa hna caah siseh, nanmah caah siseh, nan la hna lai lo.

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

SALM 115:15

Van le vawlei a sertu Bawipa nih cun, thluachuahnak in pe ko hna seh!

SALM 136:26

Vancung Pathian hi lawm tuah u, a dawtnak cu zungzal in a hmun. a dawtnak cu zungzal in a hmun.

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

EXODUS 22:11

Bawipa hmai i chiatsernak nih cu thilri cu amah nih a fir maw fir lo ti kha a khiah lai. A fir lo a si ahcun, a ngeitupa kha a sung lai i a cham a herh lai lo;

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

ISAIAH 65:16

Ram chung i a ummi ahopaoh nih thluachuahnak an hal tikah Pathian cu thluachuahnak kan pe tiah an hal lai, amah cu zumhawktlak a si. Chiat a sermi paoh nih Pathian min in an ser lai, amah cu zumhawktlak a si. Hlanlio harnak kha cu an dih cang lai i philh an si cang lai,” a ti.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

JEREMIAH 29:6

nupi rak i ṭhit hna u law fapa hna le fanu hna rak ngei ko hna u; nan fapale kha nupi rak ṭhitpiak hna u law nan fanule kha va rak ngeihter hna u law, fanu hna le fapa hna kha rak hring ko hna seh, khaka ah khan nan karhcho i a zorlei nan si nakhnga lo.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

LEVITIKAS 19:12

Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

NAMBAR 5:21

cu ti a si ahcun, (tlangbawi nih minu cu chiat cu serter seh law, minu sinah chim seh) ‘Na mi hna lakah Bawipa nih nangmah cu chiathrutnak in inter seh, Bawipa nih na phei kha a tlonghter i na pum kha a phinter tikah;

1 KORIN 7:39

Minu cu a va a nun chungah cun a luat lo, sihmanhsehlaw a va a thih ahcun a duhmi pa he i ṭhit awk kha a luat, amah belte an i ṭhitnak cu Khrihfa ṭhitumnak a si awk a si.

DEUTERONOMI 10:20

Bawipa na Pathian cu na ṭih lai; a rian na ṭuan lai i amah ah naa bek lai i amah min chalh in chiat na ser lai.

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

HEBRU 6:16

Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

JOSHUA 2:12

Cucaah atu cu, nan cungah zaangfahnak ka langhter cang bantukin, nannih zong nih ka pa innchungkhar cungah zaangfahnak nan langhter ve i, hmelchunhnak taktak nan ka pek i,

BIACEIHTU 14:3

Sihmanhsehlaw a nu le a pa nih, “Na rualchan hna i an fanu hna lakah siseh, kan miphun vialte hna lakah siseh, nu an um lo caah maw cuarpar tan lomi Filistin mi hna lak i nupi ṭhit awkah na kal ko lai?” tiah amah cu an ti. Sihmanhsehlaw Samson nih a pa cu, “Ka ṭhitpiak ko, ka duh tuk cu ta,” tiah a ti.

1 SAMUEL 20:17

Cun Jonathan nih David cu amah a dawtnak chalh in chiat a serter ṭhan; zeitintiah amah nunnak aa dawt bantuk te khan a dawt.

1 SAMUEL 30:15

Cun David nih amah cu, “Hi bu sinah hin na vun ka kalpi lai maw?” tiah a ti. Cun anih nih, “Kan that lai lo, cun na bawipa sinah kan pe ṭhan lai lo, tiin Pathian min in ka sinah chiat ser law, hi bu sinah hin ka vun in kalpi ko lai,” tiah a ti.