GENESIS 24:1 - Lai (Hakha) Common Language Bible 2006

¹ Abraham cu a tar ngaingai cang i a thil tuahmi kip ah khan Bawipa nih thluachuahnak a pek.

GENESIS 24:1 Iomraidhean Croise

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 13:2

Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei.

GENESIS 18:11

Abraham le Sarah cu an tar ngaingai cang i Sarah cu nuphung hmanh a hngal ti lo.

GENESIS 21:5

Isak a chuah ah Abraham cu kum za khat a si.

GENESIS 24:35

Bawipa nih ka bawipa cu thluachuahnak tampi a pek i mi lianngan pakhat ah a ser. Tuurun le mehehrun le caw le sui le ngun le salnu le salpa le kalauk le laa kha a pek hna.

GENESIS 25:20

Isak cu Rebekah a ṭhit ah kum sawm li a si, Rebekah cu Mesopotamia ram i a ummi Aramean miphun Bethuel fanu a si i a ṭa cu Aramean miphun Laban kha a si.

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

GENESIS 49:25

Nangmah bawmtu cu na pa i a Pathian, Nangmah thluachuah an petu Lianngan Bik Pathian kha a si. Cunglei van ruah thluachuahnak le Tanglei ti thuk thluachuahnak le Hnuk thluachuahnak le Paw thluachuahnak le

1 SIANGPAHRANG 1:1

David Siangpahrang cu a upa i a tar ngaingai cang; puan an vorh nain a khua a lum kho hlei lo.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

LUKA 1:7

Elizabeth cu a cin caah fa pakhat hmanh an ngei lo. An pahnih in an tar ngaingai cang.

GALATI 3:9

Abraham nih Pathian kha a rak zumh i thluachuahnak a hmuh; cu bantukin Pathian a zummi paoh cu Abraham bantukin thluachuah an hmu ve.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.