GENESIS 23:16 - Lai (Hakha) Common Language Bible 2006

¹⁶ Abraham cu a hna a tla ve i Hit mi hna theih hngan i Efron nih cu zat in si seh a timi zat khan Abraham nih cun a thlai — chawdawr pawl nih an thlai ningin ngun tangka phar za li a si.

GENESIS 23:16 Iomraidhean Croise

GENESIS 23:15

“Bawipa, nang le kei kar ah cu ram ngun tangka phar za li man thamtham cu zeidah a va si. Na nupi cu cu lo chungah cun va vui ko,” tiah a ti.

GENESIS 43:21

Riah hmun kan phak i kan sawngkhoi kan kau cio tikah kan sawngkhoi kaa ah khan kan tangka kha kan hmuh cio — kan tangka a dihlak tling tein, a rih ning zong a sining tein. Cucu atu ah hin kan rak i phorh ṭhan hna.

GENESIS 49:29

Jakob nih annih cu ro a vuih hna i, “Atu cu ka phun hawi hna sinah pumh ka si cang lai i Hit mi Efron lo i a ummi lungkua ah khan nan ka vui lai.

GENESIS 50:13

Kanaan ram ah khan an kalpi i Abraham nih Hit mipa Efron sinin vuinak hmun caah a cawkmi vawlei Mamre in nichuahlei i a ummi Makpelah lo chung lungkua ah khan an vui.

2 SAMUEL 14:26

Cun a sam cu aa meh tikah, a lu cung sam cu a tah tawn i siangpahrang khing tahnak in shekel za hnih a si, (kum fate kum dongh caan paoh ah aa meh tawn, a rih tikah khan.)

2 SAMUEL 24:24

Sihmanhsehlaw siangpahrang nih Araunah cu a thawh i, “Asilo, a man in kan cawk ko lai, zeicahtiah Bawipa ka Pathian sinah, a man zeihmanh ka liam lomi khangh thawinak cu ka pechan kho hna lai lo,” tiah a ti. Cucaah David nih phuhri le cawtum cu ngun shekel sawm nga in a cawk hna.

JOB 28:15

Sui in cawk khawh a si lo i a man cu ngun in thlai khawh a si lo.

EXODUS 30:13

Milu relnak ah aa telmi paoh nih cun, pek awk a simi zat kha an pek hrimhrim awk a si lai i biakinn i hmanmi cuaithlainak in pekmi cu thlai an si lai. Cu an pekmi cu Bawipa sin pekmi laksawng a si lai.

JEREMIAH 32:10

Hnatlaknak ca cu ka min ka thut i min khenhnak in ka khenh i tehte kha ka hngalhpi u ka ti hna i tangka kha a thlainak ah ka thlai.

JEREMIAH 32:9

Cucaah Anathoth khua i lo cu ka unau Hanamel sin khan ka cawk i a man cu ka thlaipiak, ngun shekel hleisarih a si.

EZEKIEL 45:12

Shekel pakhat cu gerah kul a si lai; cun nan mina cu shekel pahra a ritmi a um lai, kul le nga a ritmi a um lai i hleinga a ritmi a um lai.

ZEKHARIAH 11:12

Annih cu ka thawh hna i, “A rem nan ti ahcun ka rianṭuan man kha ka pe u; asilole zei poi hlah, nanmah nih i chiah u,” ka ti. Cun ka rianṭuan man kha an thlai i ngun phar sawm thum a si.

MATTHAI 7:12

“Mi nih kan cungah tuah hna seh ti nan duh bantuk khan midang cung zongah va tuah ve u; hihi Moses Nawlbia le profet hna cawnpiaknak an sullam cu a si.

LAMKALTU 7:16

An ruh cu Shekhem ah khan an kalpi hna i khika ah Abraham nih Hamor miphun sinin tangka in a cawkmi thlan ah khan an vui hna.

ROM 13:8

Ahohmanh lei i ba hlah u — nan i batmi cu pakhat le pakhat i dawt lawng kha si ko seh. A minung hawi a dawmi paoh nih cun Nawlbia kha a zulh a si ko.

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.