GENESIS 22:3 - Lai (Hakha) Common Language Bible 2006

³ A thaizing cu zingka tein Abraham nih a laa kha a dan a danh i Isak le a sinum pahnih hna he tiah an kal. Thawinak ding caah cun thing tlawmpal a hlam i Bawipa nih a chimhmi hmun leiah khan kal aa thawh.

GENESIS 22:3 Iomraidhean Croise

GENESIS 17:23

Cu ni ṭhiamṭhiam ah cun Abraham nih a fapa Ishmael le a salpa vialte kha, Pathian nih a chimh bangin, an cuarpar a tan hna; a inn i a chuakmi si hna seh, a cawk in a cawkmi si hna seh, a inn i a ummi pa paohpaoh cu an cuarpar a tan hna.

GENESIS 21:14

A thaizing cu zingka tein Abraham nih Hagar cu rawl tlawmpal le saphaw tithawl ti a khat tein a ummi kha a pek i nau kha a puakter i a kalter hna. Hagar cu Beer-sheba ramlak ah khan a vai lengmang.

GENESIS 22:18

Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si,” a ti.

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

GENESIS 22:4

A ni thum ni ah Abraham nih cun cu hmun cu lamhlatpi khin a hei hmuh.

SALM 119:60

Rau loin, khulrang in na nawlbia kha ka zulh hna.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

GALATI 1:16

a Fapa cu ka sin i a phuan tikah, ahohmanh ruahnak hal awkah ka fuh hna lo,

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

JOSHUA 3:1

Zingka tein Joshua cu a tho i Shittim in Israel mi vialte he an i thawh; cun Jordan kha an phan i an tan hlanah khika ah an riak.

JOSHUA 8:10

Cun Joshua cu zingka tein a tho i mizapi kha a pumh hna i mi zapi hmaiah Israel mi upa hna he Ai ah cun an hung kal.