GENESIS 21:6 - Lai (Hakha) Common Language Bible 2006

⁶ Sarah nih cun aa thawh i, “Pathian nih lawmhnak le nihnak a ka pek. Cu kong a theimi paoh nih an ka nihpi lai,” a ti.

GENESIS 21:6 Iomraidhean Croise

GENESIS 17:17

Abraham cu a khuk aa bil i asinain, “Mipa nih kum za khat a si ah fa a ngei kho ngai hnga maw? Sarah nih hin kum sawm kua ah fa cu a ngei ngai hnga maw?” ti a ruah ah a nih a chuak.

SALM 113:9

Fa a ngei kho lomi nu kha upatnak a pek hna i fa a ngeimi lunglawmmi nu ah a ser hna. Bawipa cu thangṭhat u! a ser hna. Bawipa cu thangṭhat u!

SALM 126:2

Zeitluk in dah kan nih kan kheh i zeitluk in dah lunglawmhnak hla kan sak kha! Kha tikah khan miphun dang hna nih, “An caah Bawipa nih thil lianngan a tuah,” an kan ti.

ISAIAH 49:15

Cucaah Bawipa nih a leh hna i, “Nu nih a fa cu a philh kho hnga maw? A chungchuak cu daw loin a um kho hnga maw? Nu nih hin cun a philh hmanh a philh kho hnga, sihmanhsehlaw kei nih cun kan philh bal hna lai lo.

ISAIAH 49:21

Cun nangmah le nangmah cu, ‘Aho nih dah mah hna hi a ka hrinpiak? Ka fale cu an rak thi cang i fa dang ka ngeih ti ṭung hna lo. Kei cu sal ah pei ka tan cu, mak pei ka si cang cu — hi fale hi aho nih dah a rak zohkhenh hna? Keimahte lawng pei an rak ka nganh kha — hi fale hna hi khuazei in dah an rat hnga?’ naa ti lai,” a ti.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

JEREMIAH 20:15

Ka pa cu, ‘Fapa na ngei,’ tiah a hung chim i a lung a lawmhtertu kha chiatserh si ko seh.

LUKA 1:14

Amah cu a chuah tikah naa lawm hringhran lai i midang tampi zong an i lawm ngaingai ve lai.

LUKA 1:58

Bawipa cu zeitluk in dah a cungah a ṭhat ti kha a innpa hna le a rualchan hna nih an theih tikah amah tluk te cun an dihlak in an i lawm.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

HEBRU 11:11

Abraham kha a tar tuk cang i Sarah kha fa ngei kho lo a si nain, Abraham cu hringtu pa ah a sertu cu zumhnak a si. Pathian nih khan a biakamnak cu a tuah ṭheo lai, ti kha a zumh.

1 SAMUEL 1:26

Cun amah nih, “Maw ka bawipa! Na nun bangin, ka bawipa, keimah hi hika na hmai i Bawipa sin i thla a rak cam minu kha ka si.