GENESIS 21:1 - Lai (Hakha) Common Language Bible 2006

¹ Bawipa nih bia aa kam bang khan Sarah cu a bawmh i

GENESIS 21:1 Iomraidhean Croise

GENESIS 17:16

Amah cu thluachuahnak ka pek lai i fapa pakhat an hrinpiak lai. Amah cu thluachuah ka pek lai i miphun hna nu a si lai; a tefa hna lakah cun siangpahrang zong an um lai,” a ti.

GENESIS 17:19

Sihmanhsehlaw Pathian nih, “Na palh; na nupi Sarah nih fapa an hrinpiak lai i a min ah Isak na sak lai. Amah le a tefa hna sinah khan ka biakamnak cu ka fehter lai. Cu ka biakamnak cu zungzal hmunmi biakamnak a si.

GENESIS 17:21

Cun ka biakamnak cu, Sarah nih kumvoi atu tik i an hrinpiak laimi na fapa Isak sinah ka fehter lai,” a ti.

GENESIS 18:10

A lengtu hna pakhat nih cun aa thawh i, “Na nupi Sarah nih kumvoi atu tikah hin fapa a hrin lai i cu tikah cun ka ra ṭhan te lai,” a ti. Sarah nih cun a hnulei innka khan a ngaih ko hna.

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

GENESIS 24:36

Cun ka bawipa nupi Sarah nih khan ka bawipa cu a tar toiah fapa pakhat a hrinpiak i ka bawipa nih a fapa cu a ngeihmi thil vialte kha a pek dih.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

2 SIANGPAHRANG 4:17

Sihmanhsehlaw minu cu fa a pawi i a kumvoi ṭhal, cu tik caan ah khan, Elisha nih amah cu a chimh bangkhan, fapa a hrin.

SALM 106:4

Na mi hna na bawmh hna tikah ka philh hlah, Maw Bawipa, na khamh hna tikah kei zong ka telh ve.

SALM 12:6

Bawipa biakamnak cu zumhawktlak an si; somei chungah voi sarih tiang erletmi ngun tlukin an thiang.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

EXODUS 3:16

Va kal law Israel mi hruaitu pawl vialte kha va pum hna law, ‘Bawipa, nan pupa hna Pathian, Abraham Pathian, Isak Pathian, Jakob Pathian kha ka sinah a lang i, “Nan sinah ka ra i Izipt mi hna nih nan cungah zeidah an tuah ti kha ka hmuh cang;

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

LUKA 1:68

“Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

LUKA 19:44

Nangmah le na vampang kulh chung i a ummi minung hna cu an in hrawh dih cikcek hna lai: Pathian cu nangmah khamh awkah a rat caan kha na hngalh lo caah cuka hmun ah cun aa chonhmi lung pakhat hmanh leh loin an kaltakmi a um lai lo.”

GALATI 4:23

Salnu nih a hrinpiakmi fapa cu hawi phungning cio ah hrinmi a si, sihmanhsehlaw a luatmi nu nih a hrinpiakmi cu Pathian biakamnak thawngin hrinmi a si.

GALATI 4:28

Ka u le ka nau hna, Isak cu Pathian biakam thawngin Pathian fapa a si bantukin nannih zong Pathian biakam thawngin Pathian fa nan si ve.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

RUTH 1:6

Cun a fapale nupi hna he khan tiah kir ṭhan awkah Moab ram khan aa thawh, zeitintiah Bawipa nih a mi kha a len cang hna i rawl a pek hna ti kha, Moab ram chung khan a theih.

1 SAMUEL 1:19

Zingka tein an tho i Bawipa cu an biak i Ramah khua i an inn ah khan an tlung. Cun Elkanah nih a nupi Hannah kha a hngalh i Bawipa nih amah kha a philh lo;

1 SAMUEL 2:21

Cun Bawipa nih Hannah cu a vung ven i fa a pawi i fapa pathum le fanu pahnih a hrin hna. Cun ngakchiapate Samuel cu Bawipa hmaika ah cun a ṭhang.