GENESIS 2:9 - Lai (Hakha) Common Language Bible 2006

⁹ Vawlei chung cun aa dawhmi thingkung le rawl ca i a ṭhami kung a phunphun kha a khohter hna, dum laifang ah cun nunnak thingkung, chia le ṭha hngalh khawhnak thingkung zong a khohter.

GENESIS 2:9 Iomraidhean Croise

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

GENESIS 3:22

Cun Bawipa Pathian nih khan aa thawh i, “Atu cu mipa hi a ṭha le a ṭhalo a hngalh ve cang caah kanmah bantuk a si cang. Cucaah cun nunnak thingkung hi a banh sual lai i a thei hi a ei lai i zungzal in a nung sual ko lai,” a ti.

GENESIS 3:24

Pathian nih mipa cu a chuah i Eden dum nichuahlei kamah khan cherubim vancungmi hna le zei ti lei paoh i aa mer khomi mei vainam kha a chiah hna. Annih nih cun nunnak thingkung kha ahohmanh nih naih kho hna hlah seh tiah an cawngh.

GENESIS 3:3

dum chung i a ummi thingthei vialte hi azeipaoh kan ei khawh ko hna,” tiah a leh. “Pathian nih khi thing khi cu a tlai nan ei lai lo, a tongh zong nan tawng lai lo, nan tongh ahcun nan thi lai, a kan ti,” tiah a ti.

GENESIS 3:5

Pathian nih cu bantukin a ti cu, kha thingthei nan ei ahcun nan ei cangka in amah bantukin hngalhnak nan ngei ve lai i a ṭha le a ṭhalo kha nan hngal ve lai ti a hngalh caah a si,” a ti.

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

PHUNGTHLÛKBIA 3:18

Amah aa tlaihmi hna caah cun nunnak thingkung a si i amah kha fek tein aa tlaihmi cu him tein an um.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

ISAIAH 47:10

“Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

EZEKIEL 31:16

Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a ṭha bikbik hna le ti nih ṭha tein a cawmmi thingkung hna nih hnangamnak an i laknak hmun a si.

EZEKIEL 31:18

Eden thingkung lakah khan a zei kha dah sunparnak le lianhngannak ah nangmah bantuk a rak si hna? Ahohmanh an si lo, asinain Eden thingkung hna sinah khan tanglei vawlei ah cun kalpi na si ve ko lai; vainam in thahmi hna sinah khan na ril ve ko lai i thazang a ngei lomi mithi hna bu chungah khan na um ve ko lai. Hi nih hin a sawhmi a sullam cu Faro le a minung vialte kha an si. Mah hihi Bawipa Pathian bia hrimhrim a si.

EZEKIEL 47:12

Cu tiva a kam hnih ah cun rawl ca i a ṭhami thingkung vialte kha an um lai. An hnah cu a uai lai lo i an thei cu dongh ti a um lai lo; thla fate in tuante ah an tlai lengmang lai. Zeicahdah cuticun an si ti ahcun, an tohmi ti kha hmunthiang in a rami a si i an thei cu rawl caah an si i an hnah cu damnak caah an si,” tiah a ti.

JOHAN 6:48

Nunnak changreu cu keimah hi ka si.

1 KORIN 8:1

Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

DEUTERONOMI 6:25

Nawl a kan pek bangin Bawipa kan Pathian hmaiah hi nawlbia vialte cu ṭha tein kan tuah ahcun kannih caah dinnak a si lai,’ tiah na ti lai.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

BIAPHUAN 22:2

Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.