GENESIS 2:8 - Lai (Hakha) Common Language Bible 2006

⁸ Cun Bawipa Pathian nih nichuahlei ah Eden dum pakhat a ser i cuka ah cun a sermi mipa kha a chiah.

GENESIS 2:8 Iomraidhean Croise

GENESIS 13:10

Cucaah Lot cu khua a cuan i Jordan tiva nelrawnpi kha Zoar khua tiangin ti tampi a um i Bawipa dum bantuk le Izipt ram bantuk a si kha a hmuh. (Cucu Bawipa nih Sodom le Gomorrah khua a hrawh hna hlan kha a si.)

GENESIS 3:23

Cucaah Bawipa Pathian nih khan Eden dum chung cun a ṭhawl i amah a sernak vawlei kha thlawh awkah a kalter.

GENESIS 3:24

Pathian nih mipa cu a chuah i Eden dum nichuahlei kamah khan cherubim vancungmi hna le zei ti lei paoh i aa mer khomi mei vainam kha a chiah hna. Annih nih cun nunnak thingkung kha ahohmanh nih naih kho hna hlah seh tiah an cawngh.

GENESIS 4:16

Kain nih cun Bawipa cu a kaltak i Eden nichuahlei i a ummi ram “Vahvaihnak ram” timi ah cun a va um.

2 SIANGPAHRANG 19:12

Ka pupa hna nih Gozan khua, Haran khua, Rezef khua an hrawh hna le Telassar ah a ummi Beth-eden mi an thah hna i an pathian vialte hmanh nih an chanh khawh hna lo kha na theih ko.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

EZEKIEL 27:23

Harran, Kanneh le Eden, Asshur le Media ram dihlak i chawlet hna nih khan an in dawr;

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

EZEKIEL 31:16

Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a ṭha bikbik hna le ti nih ṭha tein a cawmmi thingkung hna nih hnangamnak an i laknak hmun a si.

EZEKIEL 31:18

Eden thingkung lakah khan a zei kha dah sunparnak le lianhngannak ah nangmah bantuk a rak si hna? Ahohmanh an si lo, asinain Eden thingkung hna sinah khan tanglei vawlei ah cun kalpi na si ve ko lai; vainam in thahmi hna sinah khan na ril ve ko lai i thazang a ngei lomi mithi hna bu chungah khan na um ve ko lai. Hi nih hin a sawhmi a sullam cu Faro le a minung vialte kha an si. Mah hihi Bawipa Pathian bia hrimhrim a si.

JOEL 2:3

An hmaisuang pawl cu mei alh bantuk an si i an hnudawn pawl cu meizik bantuk an si; An hmaiah cun ram cu Eden dum bantuk a si, An hnu tu ah cun zeihmanh a um lomi thetse ram bantuk a si; Zeihmanh nih a celh hna lo.