GENESIS 2:4 - Lai (Hakha) Common Language Bible 2006

⁴ Vawlei le van i a ummi thil vialte ser an sining cu cuticun a si. Bawipa Pathian nih vawlei le van i a ummi thil vialte hna cu a ser hna tikah,

GENESIS 2:4 Iomraidhean Croise

GENESIS 1:1

A hramthawk ah, Pathian nih van le vawlei a ser hna tikah,

GENESIS 1:28

Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le va cung le ramlak saram a hme he a ngan he an dihlak cung i nawlngeihnak kan pek hna,” a ti.

GENESIS 1:3

Cun Pathian nih, “Ceunak um seh,” tiah a ti i ceunak cu a hung um.

GENESIS 1:31

Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.

GENESIS 1:4

Ceunak cu a zoh i aa lawm. Cun ceunak le muihnak cu a ṭhen hna i

GENESIS 10:1

Noah fapa Shem, Ham le Jafeth i an tefa hna cu hihi an si, buanchukcho hnu i an hrinmi an si:

GENESIS 11:10

Hihi Shem tefa cu an si. Buanchukcho hnu kum hnih ah Shem cu kum za khat a tling i fapa pakhat a hrin i a min ah Arpakshad a si.

GENESIS 2:3

Ni sarih ni cu thluachuah a pek i a dang tein a chiah, zeicahtiah cu ni cu a thil ser a lim i rianṭuan loin a um ni kha a si.

GENESIS 25:12

Hi hna hi Ishmael tefa kha an si, Ishmael cu Sarah salnu Izipt mi Hagar nih Abraham a hrinpiakmi fapa kha a si.

GENESIS 25:19

Abraham fapa Isak tefa cu hihi an si: Isak pa cu Abraham a si.

GENESIS 36:1

Esau tefa cu hi hna hi an si, (Esau cu Edom ti zongah ti a si).

GENESIS 36:9

Hi hna hi Seir tlangram i a ummi Edom mi hna an pa Esau i a tefa cu an si.

GENESIS 5:1

Hihi Adam tefa hna min cazin cu a si. (Pathian nih minung a rak ser hna ah khan amah he i lo in a rak ser.

1 SIANGPAHRANG 18:39

Cun mah cucu mi vialte nih khan an hmuh tikah an bawk i, “Bawipa hi pei Pathian cu a rak si hi, Bawipa hi pei Pathian cu a rak si hi,” tiah an ti.

2 CHANRELNAK 20:6

“Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

JOB 38:28

Ruah nih hin pa a ngei maw? Dapti dor hi tah aho nih dah a hrin?

JOB 38:4

Vawlei hram ka rak ser lioah hin khuazei ah dah na rak um? Na hngalh i na theih ahcun ka chim tuah.

SALM 18:31

Bawipa lawnglawng hi Pathian cu a si, Pathian lawnglawng hi kan ralhau cu a si,

SALM 86:10

zeicahtiah Pathian, nangmah lawnglawng hi a ṭhawngmi na si, nangmah lawnglawng hi khuaruahhar a tuah khotu na si.

EXODUS 15:3

Bawipa cu ralkap a si, a min cu Bawipa a si.

EXODUS 6:16

Levi fapa an min cu hihi an si, an tefa hna cio he: Gershon, Kohath le Merari. Levi cu kum za khat sawm thum le kum sarih a nung.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

BIAPHUAN 11:17

“A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na ṭhawnnak kha na hman cang i Uknak hram naa thawk cang caah, Na cungah kan i lawm.

BIAPHUAN 16:5

Ti a uktu vancungmi nih cun, “Hi na tuahmi biaceihnak ah hin na ding ko, maw a Thiang Mi, atu i a um liomi le hlan i a rak um cangmi Pathian!