GENESIS 2:2 - Lai (Hakha) Common Language Bible 2006

² Ni sarihnak ni ah Pathian nih a tuahmi thil vialte cu a lim hna i cu ni ah cun rian ṭuan loin a um.

GENESIS 2:2 Iomraidhean Croise

GENESIS 1:31

Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.

GENESIS 2:3

Ni sarih ni cu thluachuah a pek i a dang tein a chiah, zeicahtiah cu ni cu a thil ser a lim i rianṭuan loin a um ni kha a si.

EXODUS 23:12

“Ni ruk chung rian nan ṭuan lai, sihmanhsehlaw ni sarihnak ni ah cun nan ṭuan lai lo, nan cawtum hna le nan laa hna cu i din hna seh, cun nan sal hna le ramdang mi hna zong nih hrimhnak ah hmang hna seh.

EXODUS 31:15

Ni ruk chung rian nan ṭuan lai, sihmanhsehlaw ni sarih ni cu dinhnak ni, Bawipa ni zarh a si. Hi ni ah rian a ṭuanmi paoh cu thah a si lai.

EXODUS 31:17

Hi ni cu Israel mi le keimah karlak i zungzal hmunmi hmelchunhnak a si, zeicahtiah Bawipa keimah nih van le vawlei cu ni ruk chungah ka ser hna i ni sarih ni ah cun ka rian cu ka ngol i kaa din,’ a ti, tiah na chimh hna lai,” a ti.

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

JOHAN 5:17

Jesuh nih cun annih cu a thawh hna i, “Ka Pa cu rian a ṭuan zungzal i cucaah kei zong nih ka ṭuan ve awk a si,” tiah a ti.

DEUTERONOMI 5:14

sihmanhsehlaw ni sarih ni cu Bawipa na Pathian caah sabbath a si; cu ni ah cun nangmah nih siseh, na fapa nih siseh, na fanu nih siseh, na salpa nih siseh, na salnu nih siseh, na cawtum nih siseh, na laa nih siseh, na saṭil zeipaoh nih siseh, na kutka chung i a ummi khual nih siseh, rian zeihmanh nan ṭuan lai lo, zeitintiah na salpa le na salnu hna zong nangmah bangin an i din ve lai.

HEBRU 4:10

zeicahtiah Pathian cu a rian in aa dinh bantukin Pathian dinhnak chungah a lutmi cu an rian in an i din ve.

HEBRU 4:4

Vawlei a rak ser ri khan a rian cu lim a si ko cang nain hi bia cu a chim; zeicahtiah Cathiang nih pei hmunkhat ah ni sarihnak ni kong ah, “Ni sarih ni ah Pathian cu a rian vialte in aa din,” tiah a ti kha.