GENESIS 19:8 - Lai (Hakha) Common Language Bible 2006

⁸ Zohhmanh u, pa a hngal rih lomi fanu ngaknu pahnih ka ngei hna. Annih tu hi rak chuahpi hna ning law nan duh paoh in nan rak tuah hna lai. Sihmanhsehlaw hi khual hi cu zeitin hmanh in ti hna hlah u, ka inn chung i a ummi ka khual an si i ka huhphenh hna hrimhrim awk a si,” a ti.

GENESIS 19:8 Iomraidhean Croise

GENESIS 18:5

Rawl tlawmpal tein in serpiak hna ning law ei ta u law cun nan bat a dam in nan lan te lai. Ka inn nan ra phan cang ṭung i rawl ei ta lo cu ka sia a herh,” a ti. Annih nih, “A ṭha ko, na chim bantuk cun tuah ko,” tiah an leh.

GENESIS 19:7

Annih cu a thawh hna i, “Ka duate le, zei kan ti hnga, hi bantuk ṭhat lonak cu tuah sawh hlah u!

GENESIS 42:37

Reuben nih a pa cu a thawh i, “Benjamin kha na sin i ka kirpi ṭhan lo ahcun ka fapa pahnih kha na thah khawh hna. Keimah ṭuanvo ah chia ko, ka rak kirpi hrimhrim lai,” a ti.

EXODUS 32:22

Aaron nih cun, “Ka cungah na thinhung hlah, bawipa; hi mi hna cu sualnak kan tuah lai an ti cang ahcun zeitluk in dah an lung a ṭhawn cu na hngalh.

PHUNGTHLÛKBIA 9:7

Miruamkai a chimhringtu nih cun rak nihsawhnak kha a in tawn, miṭhalo nun a chimtu nih cun hma a in tawn.

ISAIAH 58:7

A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si.

MARKA 9:6

Peter le a hawile cu an thin a phang tuk hringhran i zeihmanh chim awk an hngal lo.

ROM 3:8

“Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

BIACEIHTU 19:23

Cun mipa inn ngeitupa kha, an sinah a va chuak i annih cu, “Asilo, ka nau le hna, ṭhalo tuk hringhran in um hlah u; hi mipa nih ka inn chungah a luh cang caah hi thil ṭhalo cu tuah hlah u.

BIACEIHTU 19:24

Zohhmanh u, hika ah ka fanu ngaknu le a nuchun an um; ka hun chuahpi hna lai. Sual hna u law, nanmah nih a ṭha nan timi kha an cungah va tuah ko u, sihmanhsehlaw hi mipa cungah cun hi tlukin a ṭha lomi thil cu tuah hlah u,” tiah a ti hna.

BIACEIHTU 9:15

Cun hling nih cun thingkung hna cu, ‘Nannih nih lungthin tak tein nan siangpahrang ca i chiti nan ka thuh a si ahcun, ka thladem ah hin ra u law, rak i dor tuah u; sihmanhsehlaw cu bantukin a si lo ahcun, hlingbur chung cun mei chuak seh law, Lebanon sidar thing khi kangh dih hna seh,’ a ti hna.