GENESIS 19:2 - Lai (Hakha) Common Language Bible 2006

² “Ka bawipale hna, nan salpa inn ah ra lut tuah u law ka tlung tuah u. Nan ke kha i ṭawl u law tuzan cu riak u. Thaizing ah nan tho lai i nan kal duhnak ah cun nan kal chin te lai,” a ti hna. Sihmanhsehlaw annih nih, “A si lo, khualai ah hin kan riak ko lai,” tiah an leh.

GENESIS 19:2 Iomraidhean Croise

GENESIS 18:4

Ti in cahpiak hna ning law nan ke i ṭawl u law thing toiah hin i din ta u.

GENESIS 19:1

Zanlei sang ah vancungmi pahnih kha Sodom khua chung i an va luh tikah, Lot cu mi an i ton tawnnak hauka hramah khan a rak ṭhu. A hmuh hna cangka a tho zau i annih kha a rak don hna. An hmaiah cun a kun i,

GENESIS 19:3

Sihmanhsehlaw a nawl lengmang hna i a donghnak ah a inn ah cun an kal. Lot nih cun changreu kha a ser i rawl thaw ngai a serpiak hna i annih nih an ei.

GENESIS 24:31

Amah cu, “Bawipa, ra lut tuah. Nangmah cu Bawipa nih thluachuah an pekmipa na si. Zeicahdah lengah cun na um ko. Kan inn chungah nangmah caah hmun pakhat kan sersiampiak cang i na kalauk hna ca zongah hmun a um ko,” a ti.

GENESIS 43:24

Josef inn chungah khan annih cu a luhpi hna. An ke ṭawlnak ah ti a pek hna i an laa kha rawl a pek hna.

2 SAMUEL 11:8

Cun David nih Uriah cu, “Na inn ah vung kal law, na ke vung i ṭawl,” tiah a ti. Cun Uriah cu siangpahrang inn khan a chuak i siangpahrang laksawng nih a hei zulh colh.

JOB 31:32

Khualtlawngmi kha ka inn chungah ka riahter hna i khualak lam ah ka riahter bal hna lo kha an hngalh.

PHUNGTHLÛKBIA 25:17

Na innpa inn ah leng tuk hlah, na nor lai i an huat sual lai.

SOLOMON HLA 5:3

Chun ka thuam cu ka chiah cang hnu in, zeitin aih len ser nolh hnga? Thiang cia ka ketan cawi rem dawh cu, zeitinhen thur ṭhan ai hnga?

LUKA 7:44

Cun minu lei kha a hei hoih i Simon cu a thawh i, “Hi nu hi na hmu maw? Na inn chungah ka ra lut i sihmanhsehlaw ka ke ṭawlnak caah ti naa ka pe lo, sihmanhsehlaw amah nih hin cun ka ke kha a mitthli in a ṭawl hna i a sam in a hnawh hna.

JOHAN 13:5

khengpi chungah ti kha a thlet i a zultu kha an ke a ṭawl hna i kut hnawhnak puan in a hnawh hna.

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

HEBRU 13:2

Khualtlung kha daw hna u. Khualtlung a dawmi cu an hngalh loin vancungmi nih khan an tlun tawn hna.