GENESIS 16:6 - Lai (Hakha) Common Language Bible 2006

⁶ Cun Abram nih a leh i, “A ṭha ko, amah cu na sal a si i na kut tangah pei a um ko cu; na duhning paoh in a cungah tuah ko,” a ti. Cucaah Sarai nih cun a vun hrem ve i Hagar cu a tli.

GENESIS 16:6 Iomraidhean Croise

GENESIS 16:9

Cun vancungmi nih cun, “Sarai sinah cun va kir ṭhan law a kut tangah ṭha tein va um,” a ti.

GENESIS 24:10

A salpa nih cun a bawipa kalauk chungin pahra kha a lak hna i laksawng man sungsung kha aa phorh hna i Mesopotamia ram Nahor khua i kal awkah cun aa thawh.

JOB 2:6

Cun Bawipa nih Satan cu a thawh i, “Zohhmanh, amah cu na kut chungah a um, a nunnak bel zuah ko,” tiah a ti.

EXODUS 2:15

Cucu Faro nih a hngalh tikah Moses cu thah a zalh. Asinain Moses nih cun a zamtak i Midian ram i va um awkah a kal. Cuka a va phak tikah tikhor pawngah khan a ṭhu.

PHUNGTHLÛKBIA 14:29

Dai tein a um khomi cu mifim a si, sihmanhsehlaw mithintawi nih cun zeitluk in dah a hruh ti lawng kha a langhter.

PHUNGTHLÛKBIA 15:1

Lehnak nem nih thinhunnak a damter, sihmanhsehlaw biahrang nih cun thin a phawh.

PHUNGTHLÛKBIA 27:8

A inn in a tlaumipa cu a bu in a tlaumi va bantuk a si.

PHUNGTHLÛKBIA 29:19

Bia lawngin sinum cu nunchimh khawh a si lo, a hngal ko nain zei ah a rel lai lo.

PHUNGCHIMTU 10:4

Uktu bawi kha na cungah a thin a hun ahcun na dir hmun kha va chuahtak hlah; Dai tein na um ko ahcun, palhnak a fakmi kha ngaihthiam khawh a si.

JEREMIAH 38:5

Siangpahrang Zedekiah nih cun aa thawh i, “Amah cu nan kut chungah a um ko; zeicahtiah nanmah duh lomi cu siangpahrang nih zeihmanh a tuah kho lo,” tiah a ti hna.

JOSHUA 9:25

Atu ah hin zohhmanh, na kut chungah kan um ko: na mithmuh ah a ṭha le a dik na ti bantukin kan cungah cun tuah ko,” tiah an ti.

1 PETER 3:7

Nannih patung hna zong nan nupile he nan um tikah, annih cu a der deuhmi an si kha philh hlah u. Cucaah bia nan chimh hna tikah hmaizah tein nan chimh hna lai i Pathian pekmi laksawng nunnak cu annih zong nih an co khawh ve lai. Hi bantuk hin um u law zeihmanh nih nan thlacamnak kha hna a hnawh kho lai lo.