GENESIS 14:16 - Lai (Hakha) Common Language Bible 2006

¹⁶ an thilri vialte kha an chuh ṭhan dih hna. A rualchan Lot le a chawva vialte zong kha a kirpi ṭhan hna, nu hna le mi dang zong an i tel.

GENESIS 14:16 Iomraidhean Croise

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 14:14

Abram nih a rualchan an tlaih ti kha a theih tikah a riahhmun i a ummi a minung hna lak i zumhawktlak a timi minung za thum le hlei riat kha a kawh hna i siangpahrang hna cu Dan khua tiang an dawi hna.

GENESIS 50:7

Cucaah Josef cu a pa vui ah khan a kal. Amah sinah cun Faro bawi vialte hna le a inn i rian a ṭuanmi upa vialte hna le Izipt ram chung haotu deuhdeuh paoh kha an kal dih.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

1 SAMUEL 30:8

Cun David nih Bawipa kha a hal i, “Hi bu hi ka dawi hna lai maw? Ka phan hna hnga maw?” tiah a ti. A leh i, “Dawi hna, zeicahtiah na phak hrimhrim hna lai i na chanh khawh hrimhrim hna lai,” tiah a ti.