GENESIS 13:7 - Lai (Hakha) Common Language Bible 2006

⁷ Cucaah Abram saṭil cawng hna le Lot saṭil cawng hna kha an i si lengmang. (Cu lioah cun Kanaan mi hna le Periz mi hna kha cu ram chungah cun an um ko rih).

GENESIS 13:7 Iomraidhean Croise

GENESIS 10:19

Kanaan ram ramri cu Sidon in Gerar leiah Gaza tiang a phan, Cun Sodom le Gomorrah le Admah le Zeboiim leiah Lasha tiang a phan fawn.

GENESIS 12:6

Abram cu ram chungah cun aa chawk i Shekhem khua an hmunthiang, Moreh thing zarh an timi kha a va phan. (Cu lioah cun Kanaan mi kha cu ram chungah cun an um ko rih).

GENESIS 21:25

Abraham nih Abimelek cu Abimelek sinum pawl nih an chuhmi tikhor kong kha a chimh.

GENESIS 26:20

Gerar khua saṭil khal hna le Isak saṭil khal hna cu an i si i bu khat nih, “Hi ti hi kanmah ta a si,” an ti, a dang bu khat ve nih, “Kanmah ta a si,” an ti ve. Cucaah cu tikhor cu a min ah Isak nih Esek a sak; amah he an i sik ruangah cun.

GENESIS 34:30

Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti.

GENESIS 46:34

‘Kannih cu bawipa, kan pupa nih an rak tuah tawn bangin kan no lio tein saṭil zohkhenh kan si,’ nan ti lai. Cu ti nan ti ahcun Goshen ram ah hin nan um kho lai,” a ti hna. Hi bangin a chimh hna cu Izipt mi nih khan tuukhal paoh cu an duh hna lo caah a si.

NEHEMIAH 5:9

Cucaah ka thawh hna i, “Nannih nih nan tuahmi hi a ṭhalo. Kannih kan ral miphun dang hna mit hmuh soisel awk um lo kan si nakhnga Pathian ṭih bu tein nan nun awk a si.

EXODUS 2:17

Asinain tuukhal pawl kha an ra i an dawi hna. Moses nih cun a chanh hna i an saṭil cu ti a dinhpiak hna.

PHUNGTHLÛKBIA 20:3

Mihrut aho paoh nih siknak kha a thawhter khawh, sihmanhsehlaw siknak hrial cu upat awk tlak thil a si.

MARKA 3:25

Innchungkhar khar khat cu a bubu in an i ṭhen i an i doh ahcun a dir kho lai lo.

1 KORIN 3:3

hi vawleicung mi bantukin pei nan um ko rih cu. Pakhat le pakhat nan i nahchuah i pakhat le pakhat nan i sik tikah hin nannih cu hi vawleimi nan si le hi vawlei ning in nan nunning a si kha a lang ko lo maw?

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

KOLOSE 4:5

A zummi a si lomi hna cung i rian nan ṭuan tikah fimnak in ṭuan u law caan ṭha nan hmuhmi paoh kha ṭha tein hman i zuam u.

1THESALON 4:12

Cuticun a zum lomi hna hmaizah kha nan tong lai i nan herhbaunak ah khan ahohmanh i rinh nan hau lai lo.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

JEIM 3:16

Nahchuahnak le mah zawn lawng ruahnak a umnak paoh ah i rem lonak le ṭhat lonak a phunphun kha a um zungzal.

JEIM 4:1

Nan i siknak le nan i velhnak vialte hi khuazei in dah an rat? Nuamhnak nan duhnak in an ra i cu nan duhnak cu nan pum chungah khan anmah le anmah aa do lengmangmi an si.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.