GENESIS 13:10 - Lai (Hakha) Common Language Bible 2006

¹⁰ Cucaah Lot cu khua a cuan i Jordan tiva nelrawnpi kha Zoar khua tiangin ti tampi a um i Bawipa dum bantuk le Izipt ram bantuk a si kha a hmuh. (Cucu Bawipa nih Sodom le Gomorrah khua a hrawh hna hlan kha a si.)

GENESIS 13:10 Iomraidhean Croise

GENESIS 11:27

Terah tefa cu hi hna hi an si: Terah cu Abram le Nahor le Haran pa a si. Haran cu Lot pa a si i

GENESIS 13:11

Lot nih cun Jordan nelrawn cu a ningpi in aa thim i nichuahlei ah khan a kal. Abram le Lot an i ṭhenning cu, cuticun a si.

GENESIS 13:9

I ṭhen u sih. Ram hi na duhnak kaa zawn i thim law ka kaltak ko. Nang kehlei i na kal ahcun kei orhlei ah ka kal lai, orhlei i na kal ah cun kehlei ah ka kal lai,” a ti.

GENESIS 14:2

siangpahrang a dang panga kha an doh hna, cu hna cu: Sodom siangpahrang Bera, Gomorrah siangpahrang Birsha, Admah siangpahrang Shinab, Zeboiim siangpahrang Shemeber le Bela siangpahrang an si (Bela cu Zoar a si).

GENESIS 14:8

Cun Sodom siangpahrang, Gomorrah siangpahrang Admah siangpahrang, Zeboiim siangpahrang le Bela siangpahrang nih (Bela cu Zoar a si),

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

GENESIS 6:2

Cu fanu hna an i dawh cu pathian fapa hna nih khan an hmuh hna i cucaah an duhmi kha an i thim hna i an ṭhit hna.

1 SIANGPAHRANG 7:46

Jordan nelrawn, Sukkoth le Zarethan karlak i tlak hmun ah khan siangpahrang nih a thlet hna.

JOB 40:23

Tiva cu a hung lenh zongah a thin a phang lo; Jordan Tiva nih a ka tiang phan hmanh seh law a duh in aa chawk ko.

SALM 107:34

Vawlei ṭhatnak hmun cu, cite vawlei, vawlei ṭhalo ah a canter, zeicahtiah cuka i a ummi hna cu an ṭha lo.

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

JEREMIAH 48:34

Heshbon khuami hna le Elealeh khuami hna cu an ai i an ai thawng cu Jahaz tiangin a thang; Zoar i a ummi hna nih an rak theih i Horonaim le Eglath-shelishiyah tiangin a thang. Nimrim tivate hmanh kha a car dih.

EZEKIEL 16:46

Na u nu cu na chak i a fale he a ummi Samaria kha a si; na nau nu cu na thlanglei ah a fale he a ummi Sodom kha a si.

EZEKIEL 16:49

Amah le a fanu hna cu chawva le rawl tampi an ngeihmi kha an i porhlaw i hnangam le nuam ngaiin an um i sihmanhsehlaw misifak le mirethei kha an bawm bal hna lo.

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

EZEKIEL 31:8

Pathian dum chung sidar thingkung cu zeihmanh nih an lonh kho lo, Farkung zeihmanh nih a nge kha an tluk kho lo i Saipres thing zeihmanh nih cu bantuk nge cu an ngei lo; Pathian dum chung i a ummi thing zeihmanh nih aa dawhnak kha an tluk kho lo.

EZEKIEL 31:9

Bawipa nih dawhnak kha ka pek i Pathian dum Eden dum chung i a ummi thing vialte nih an in hngar dih,” tiah chim, a ka ti.

EZEKIEL 47:18

Nichuahlei ah cun Jordan kha Hauran le Damaskas, Gilead le Israel mi hna karlak ramri a si lai, cun ramri cu a vung kal lai i Nichuahlei Rili ah Tamar tiang a phan lai, cu vial cu nichuahlei ramri kongah cun a si lai.

JOEL 2:3

An hmaisuang pawl cu mei alh bantuk an si i an hnudawn pawl cu meizik bantuk an si; An hmaiah cun ram cu Eden dum bantuk a si, An hnu tu ah cun zeihmanh a um lomi thetse ram bantuk a si; Zeihmanh nih a celh hna lo.

DEUTERONOMI 34:3

Negeb ram, cun Nelrawn — ungkung khua Jeriko nelrawn timi cu — Zoar tiangin.