GENESIS 12:3 - Lai (Hakha) Common Language Bible 2006

³ Nangmah thluachuah an petu kha thluachuah ka pek ve hna lai i chiat an serhtu kha chiat ka serh ve hna lai. Vawlei cung miphun vialte nih hin, Nangmah thluachuah kan pek bantuk hin thluachuah kan pe ve, tiah an ka hal lai,” a ti.

GENESIS 12:3 Iomraidhean Croise

GENESIS 18:18

A tefa hna cu a ngan i a ṭhawngmi miphun ah an cang lai i vawlei cung miphun vialte hna nih hin Abraham thluachuahnak ka pekmi bantuk kha kan pe ve tiah an ka hal lai.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

GENESIS 22:18

Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si,” a ti.

GENESIS 24:35

Bawipa nih ka bawipa cu thluachuahnak tampi a pek i mi lianngan pakhat ah a ser. Tuurun le mehehrun le caw le sui le ngun le salnu le salpa le kalauk le laa kha a pek hna.

GENESIS 25:11

Abraham thih hnuah a fapa Isak cu Pathian nih thluachuah a pek. Isak cu Beer-lahai-roi ah khan khua a sa.

GENESIS 26:29

Na cungah harnak zeihmanh kan tuah lo bantukin nang zong nih kan cungah na tuah nakhnga lo bia i kam ti kan in duh. Na cungah zaangfahnak kan rak ngei i dai tein kan in kalter. Atu cu Bawipa nih thluachuah an pek cang,” an ti.

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 27:29

Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

GENESIS 28:14

Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

GENESIS 30:27

Cun Laban nih Jakob cu a thawh i, “Biachimnak nawl ka pe ve tuah: litin in ka hngalhmi cu, Bawipa nih thluachuah a ka pek hi nangmah thawngin a si.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

GENESIS 39:5

Cu thawk cun Josef ruangah khan Bawipa nih cun Izipt mipa innchungkhar cu thluachuah a pek hna. A inn chung i a ngeihmi thil si hna seh, a lo chung i a ngeihmi thil si hna seh. Bawipa nih cun thluachuah a pek hna.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

EXODUS 23:22

Asinain amah bia kha nan ngaih i ka chimmi vialte kha nan tuah ahcun, nan ral kha keimah nih kan dohpiak hna lai i an dotu hna a dohtu kha ka si lai.

NAMBAR 24:9

A kun i chiandeih bangin a bawk, Chiandeihpi a lo; aho nih dah an thawh ngam lai? Nanmah thluachuah an petu hna paoh cu thluachuakmi si ve hna seh law, Chiat an serhtu hna paoh cu chiat serh si ve hna seh,” tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

GALATI 3:16

Pathian nih bia a kamhmi cu Abraham le a tefa pakhat kha an si. Cathiang nih, mi tampi ti duhnak caah, “na tefa hna,” tiin a ti lo. A timi cu, “na tefa,” ti lawng a si i cucu mi pakhat a ti duhnak a si i cu mi pakhat cu Khrih kha a si.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

GALATI 3:8

Pathian nih Jentail mi cu zumhnak thawngin amah he a remter hna lai ti kha Cathiang nih a rak chimchung cang. Cucaah Cathiang nih Thawngṭha cu Abraham kha a rak chimh chung cang i, “Nangmah thawng hin Pathian nih vawleicung mi vialte kha thluachuah a pek hna lai,” a rak ti.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.