GENESIS 12:2 - Lai (Hakha) Common Language Bible 2006

² Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 12:2 Iomraidhean Croise

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

GENESIS 17:20

Ishmael huhphenh awk kha na ka hal, cucaah hitihin ka tuah lai: Ishmael cu thluachuahnak ka pek lai i fa tampi le tefa tampi ka pek lai. Amah cu bawi bawi hleihnih pa a si lai i a tefa cu miphun nganpi ah ka ser hna lai.

GENESIS 18:18

A tefa hna cu a ngan i a ṭhawngmi miphun ah an cang lai i vawlei cung miphun vialte hna nih hin Abraham thluachuahnak ka pekmi bantuk kha kan pe ve tiah an ka hal lai.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

GENESIS 19:29

Asinain Pathian nih nelrawn chung ummi khua kha a hrawh hna tikah Abraham kha a philh lo i Lot kha himnak hmun ah a zamter.

GENESIS 24:1

Abraham cu a tar ngaingai cang i a thil tuahmi kip ah khan Bawipa nih thluachuahnak a pek.

GENESIS 24:35

Bawipa nih ka bawipa cu thluachuahnak tampi a pek i mi lianngan pakhat ah a ser. Tuurun le mehehrun le caw le sui le ngun le salnu le salpa le kalauk le laa kha a pek hna.

GENESIS 25:11

Abraham thih hnuah a fapa Isak cu Pathian nih thluachuah a pek. Isak cu Beer-lahai-roi ah khan khua a sa.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 27:29

Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

GENESIS 28:14

Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

GENESIS 35:11

Cun Pathian nih amah cu, “Keimah cu Lianngan Bik Pathian ka si. Fa tam piin ngei hna. Tefa tampi na ngei lai i a cheu cu siangpahrang an si lai. Na tefa cu an tam tuk lai caah miphun tampi ah an cang lai.

GENESIS 46:3

“Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai.

2 SAMUEL 7:9

cun khuazeika na kalnak hmanh ah nangmah sinah ka um i na hmai in na ral vialte kha ka hloh dih hna; cun vawlei cung i mi lianngan hna min bantukin min ngan kan serpiak lai.

1 SIANGPAHRANG 1:47

Cuhleiah siangpahrang sinum hna nih khan David Siangpahrang kan bawipa cu, ‘Na Pathian nih Solomon min cu nangmah min nakin minthang deuh ah ser seh law a bawi ṭhutdan cu na bawi ṭhutdan nakin nganter deuh seh,’ tiin lawmhpi awkah an ra. Khi tikah siangpahrang nih cun ihkhun cungah cun a lu a khun.

JOB 35:8

Na ṭhat lonak nih cun nangmah bantuk mi lawng hi pei a tongh khawh ko hna cu, Na dinnak zong nih mi fapa hna lawng hi pei a ṭhathnem khawh ko hna cu.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

EXODUS 1:7

Asinain Israel mi nih cun fa tampi an ngeih hna i an tam tuk i an ṭhan tuk hringhran caah cu ram cu an khat dih.

EXODUS 32:10

Atu cu na ka onh ahcun, ka thinhunnak a alh in a alhmi in ka hrawh dih hna lai. Cun nangmah le na tefa cu miphun ngan ah kan ser hna lai,” a ti.

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

NAMBAR 14:12

Rai in ka hrem hna lai i ka hlawt hna lai, nangmah chung hin annih nak i a ngan deuh le a ṭhawng deuh miphun ka ser lai,” tiah a ti.

NAMBAR 22:12

Pathian nih Balaam cu, “An sinah na kal hnga lo; cu mi hna cu chiat na serh hna hnga lo, zeitintiah thluachuakmi an si,” tiah a ti.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

GALATI 3:7

Cucaah cun Abraham tefa taktak cu zumhnak a ngeimi kha an si ti hi nan hngalh awk a si.

DEUTERONOMI 26:5

“Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a ṭhawng le a tammi ah a cang.