GENESIS 11:7 - Lai (Hakha) Common Language Bible 2006

⁷ Cucaah cun pakhat le pakhat an holh an i hngalh khawh nakhnga lo, vung kal u si law an holh kha vung danter dih hna u sih,” a ti.

GENESIS 11:7 Iomraidhean Croise

GENESIS 1:26

Cun Pathian nih cun, “Atu cu minung kan ser cang hna lai; kanmah mui an keng lai i kanmah he kan i lo lai. Nga si hna seh, va si hna seh, inn zuat saṭil si hna seh, ramlak i a ummi saram a hme he a ngan he si hna seh, an uk dih hna lai,” tiah a ti.

GENESIS 10:20

Hi hna hi Ham tefa cu an si, an phun cio in an ram cio ah khan khua an sa i anmahle an holh cio kha an hmang.

GENESIS 10:32

Hi hna hi Noah tefa hna nih an hrinmi hna miphun cu an si, anmahle an i hrinsor ning cio le an phun kalning cio in. Vawlei cung miphun vialte hna hi buanchukcho hnuah Noah fapa hna nih an hrinsormi hna an si.

GENESIS 10:5

Annih hi rili kam le tikulh i khua a sami hna hringsortu an si. Hi hna hi Jafeth tefa cu an si; an phun cio in an ram cio ah khan khua an sa i anmah le an holh cio kha an hmang.

GENESIS 11:5

Cun hi mi hna nih khuapi an sermi le innsang an sakmi zoh awkah khan Bawipa cu a rung ṭum i

GENESIS 3:22

Cun Bawipa Pathian nih khan aa thawh i, “Atu cu mipa hi a ṭha le a ṭhalo a hngalh ve cang caah kanmah bantuk a si cang. Cucaah cun nunnak thingkung hi a banh sual lai i a thei hi a ei lai i zungzal in a nung sual ko lai,” a ti.

GENESIS 42:23

Josef nih khan an chimmi cu a hngalh ko, sihmanhsehlaw anmah chawnhnak ah holh lettu kha a hman caah, annih nih cun kan chimmi a hngalh ti kha an hngal lo.

JOB 12:20

Zumhmi mifim hna kha holh kho loin a tuah hna i Upa kha thil thleidan khawhnak fimnak kha a chuh hna.

SALM 2:4

Bawipa nih vancung i a bawiṭhutdan cung khin a run nih hna i capo ah a saih hna.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

SALM 55:9

Bawipa, annih cu hrawk hna law an biachimmi cu tuainak ah canter; khuapi chungah ka hmuhmi thil cu zaang-ennak le i tuainak a si.

EXODUS 4:11

Bawipa nih cun a thawh i, “Minung hi a ka cu aho nih dah a pek? Aho nih dah hnachet in a tuah i holh kho lo in a ser? Aho nih dah hmuhnak a pek i aho nih dah a mit a cawtter? Cu ti a tuahtu cu Bawipa hi ka si lo maw?

ISAIAH 33:19

A ruam a kaimi ramdangmi, an holh na theih lomi kha na hmu ti hna lai lo.

ISAIAH 6:8

Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

JEREMIAH 5:15

Maw Israel innchungkhar, zohhmanh, Na cungah lamhlatpi in miphun phun khat ka ratpi lio, tiah Bawipa nih a ti. Cu miphun cu miphun ṭhawng ngai, hlan piin a rak ummi, An holh nan theih lomi miphun, an chimmi zong nan hngalh khawh lomi miphun a si.

1 KORIN 14:23

Cucaah khrihfabu cu hei i pum u law, cu nan i pumhnak ah cun nan dihlak in holhtheihlo in hei holh u law — mi pakhatkhat maw, asiloah Pathian bia lomi maw rung lut seh law, mihrut an i ti hna hnga lo maw?

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,