GENESIS 10:5 - Lai (Hakha) Common Language Bible 2006

⁵ Annih hi rili kam le tikulh i khua a sami hna hringsortu an si. Hi hna hi Jafeth tefa cu an si; an phun cio in an ram cio ah khan khua an sa i anmah le an holh cio kha an hmang.

GENESIS 10:5 Iomraidhean Croise

GENESIS 10:20

Hi hna hi Ham tefa cu an si, an phun cio in an ram cio ah khan khua an sa i anmahle an holh cio kha an hmang.

GENESIS 10:25

Eber nih fapa pahnih a ngeih hna i pakhat cu a min ah Peleg a si, cun a nau cu a min ah Joktan a si; Peleg an saknak a sullam cu amah chan ah khan vawlei mi kha an i ṭhen dih caah a si.

GENESIS 10:32

Hi hna hi Noah tefa hna nih an hrinmi hna miphun cu an si, anmahle an i hrinsor ning cio le an phun kalning cio in. Vawlei cung miphun vialte hna hi buanchukcho hnuah Noah fapa hna nih an hrinsormi hna an si.

GENESIS 10:4

Javan fapa hna cu Elishah, Tarshish, Kit mi le Rodan mi an si.

GENESIS 10:6

Ham fapale cu Kush, Izipt, Put le Kanaan an si.

GENESIS 9:19

Hi Noah fapa pathum hi vawlei cung mi vialte a hringsortu hna an si.

ESTHER 10:1

Siangpahrang Ahasuerus nih a ram le rili kam ram hna cu ngunkhuai a thawhter hna.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 24:15

nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai.

ISAIAH 40:15

Bawipa, caah cun miphun hna hi zeihmanh an si lo, ti dor pakhat tluk hmanh an si lo, lamhlatpi i a ummi tikulh hna khi leidip tluk fang i a zaangmi men an si.

ISAIAH 41:5

“Lamhlatpi i a ummi rammi hna nih ka tuahmi kha an hmuh; an thin a phang i a ther in an ther. Cucaah an dihlak in hmunkhat ah an i pum.

ISAIAH 42:10

Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

ISAIAH 60:9

Annih cu lamhla piin a rami lawng an si, Pathian mi hna, inn i a rak tlunpitu hna lawng an si. Bawipa, Israel Pathian thiang upat awkah sui le ngun kha an rak i phorh; Bawipa nih miphun dang vialte cu, a mi Israel mi kha, upatnak a pekter hna.

JEREMIAH 2:10

Nitlaklei ah Saipras tikulh tiangin va kal hmanh u law va zoh hmanh u, Nichuahlei ah Kedar tiangin mi hei thlah hna u law ṭha tein va zoh hna seh, Hi bantuk thil hi a um bal hnga maw?

JEREMIAH 25:22

Tair le Sidon siangpahrang vialte hna; Mediterranean rili ram i siangpahrang vialte hna;

EZEKIEL 26:15

Mah hihi Bawipa Pathian nih Tair sinah a chimmi bia a si: “Na tluk thawng an theih tik le na chungah hmapumi hna cu an hrum an ai i sam an si cuahmah tikah, zeitluk in dik rilikam ram hna le tikulh hna cu an i hninh lai!

EZEKIEL 26:18

Na tluk ni ah rilikam ram kha an ther i Na loh ni ah rili chung tikulh hna cu an khuaruah a har.

DANIEL 11:18

Khi hnuah rili kamlei le tikulh hnalei ah khan aa mer lai i mi tampi cu sal ah a tlaih hna lai, sihmanhsehlaw ramdang ralbawi pakhat nih ṭhat lonak a tuahmi cu a ngolter lai i ṭhat lonak a tuahmi kha amah cung lila ah a kirter lai.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

DEUTERONOMI 32:8

Cung Nung Bik nih miphun hna kha an ro a pek hna i Minung fapa hna kha a ṭhen hna tikah, Pathian fapa an tlawm an tam ningin minung an ramri kha a fehter.