GENESIS 1:11 - Lai (Hakha) Common Language Bible 2006

¹¹ Cun aa thawh i, “Vawlei cungah hin thingram a phunphun kho hna seh, a tlaimi kung hna le rawl a phunphun thei a phunphun a vuimi rawlkung hna,” tiah a ti i cu bang cun a hung si.

GENESIS 1:11 Iomraidhean Croise

GENESIS 1:12

Cucaah cun vawlei cungah cun thingram a phunphun an kho, rawl a vuimi rawlkung hna le thei a tlaimi thingkung hna an si. Pathian nih a tuahmi cu a zoh i a lung a si.

GENESIS 1:29

Nan ei awk caah thlai phun kip le thei phun kip kan pek hna;

GENESIS 2:16

Mipa cu a thawh i, “Dum chung i a ummi thingkung vialte hi an thei na ei dih ko hna lai,

GENESIS 2:5

vawlei cungah hin ramkung zeihmanh a um lo i thlaici zeihmanh a kho lo, zeicahtiah vawlei cungah khan ruah a surter rih lo i vawlei cung i rian a ṭuantu ahohmanh an um rih lo.

GENESIS 2:9

Vawlei chung cun aa dawhmi thingkung le rawl ca i a ṭhami kung a phunphun kha a khohter hna, dum laifang ah cun nunnak thingkung, chia le ṭha hngalh khawhnak thingkung zong a khohter.

JOB 28:5

A cung i vawlei in rawl kung an kho i a tang vawlei cu mei a kangh bantukin aa let.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

SALM 147:8

Van ah khin minmei a zamter; vawlei kha ruah in a cawm i tlang cungah ram a khohter hna.

ISAIAH 61:11

Thlaici cu an keuh i an ṭhan bantukin, Bawipa Pathian nih a mi cu a khamh hrimhrim hna lai. Cun miphun vialte nih amah cu an thangṭhat lai.

JEREMIAH 17:8

Amah cu tikam phunmi thingkung bantuk, tiva kam i hram a zammi bantuk a si. Vaupi ni a chuah tikah, ṭih awk zeihmanh a ngei lo, A hnah cu hring dildel in an um zungzal ko. Khuakhen kum a tlun tikah a zei a poi lo i a thei zong a dong lo.

MATTHAI 3:10

Hreitlung nih thingkung cu an hram in a hau dengmang cang hna; thei ṭha a tlai lomi paoh cu hau an si lai i mei chungah paih an si lai.

MATTHAI 6:30

Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah!

MARKA 4:28

Vawlei nih khan thlai kheu cu a ṭhanter hna i thei a tlaiter hna, a hmasa bik ah a hnah zimno tete kha an hung chuak, cun an hung vui i an hung zaa.

1 KORIN 15:38

Pathian nih cu cite cu a duhmi pum kha a pek ko; thlaici kha anmahle an pum cio a pek ko hna.

HEBRU 6:7

Ruah a surmi a rak dawptu le a thlotu hna caah a ṭhahnemmi rawl kung a khohtertu vawlei cu Pathian nih thluachuah a pekmi vawlei a si.

JEIM 3:12

Ka u le ka nau hna, theipi kung nih oliv thei a tlai bal lo, mitsur ruang nih theipi a tlai bal fawn lo; ti al zong nih ti thlum a chuahter kho ve lo.