FILIPI 4:8 - Lai (Hakha) Common Language Bible 2006

⁸ A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

Laibaibal Thiang (BSI)

⁸ A donghnâk ah unau hna, a dikmi, hmaizah awk a tlâkmi, a thiangmi, duh a nungmi, a thangṭhami, ṭhatnâk a um i thangṭhat awktlâk a si ahcun, cucu ruat hna u.

FILIPI 4:8 Iomraidhean Croise

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

2 SAMUEL 1:23

Saul le Jonathan, duh a nung i aa dawhmi hna, nunnak ah siseh thihnak ah siseh an i ṭhen lo; muvanlai nakin an khul a rang, chiandeih nakin an ṭhawng.

2 SAMUEL 23:3

Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah,

SALM 82:2

“Ding loin biaceih hi ngol hrimhrim cang u, miṭhalo duhdanh kha ngol cang u.

PHUNGTHLÛKBIA 11:1

Cuai deu a hmangmi cu Bawipa nih a huat hna, sihmanhsehlaw tahnak khing ahmaanmi cu a lawmhmi a si.

PHUNGTHLÛKBIA 12:4

Nupi ṭha cu a va caah bawi luchin a si, sihmanhsehlaw ningzahnak a tluntertu nupi cu ruh chung i khensar zawtnak bantuk a si.

PHUNGTHLÛKBIA 16:11

A dikmi tahnak le khing hna cu Bawipa duhmi an si, zal chung i a ummi cuaithlainak lung vialte hna zong amah nih a tuahmi an si.

PHUNGTHLÛKBIA 20:7

Mipa cu a nunning kha a din i a ṭhat ahcun, a hnu i a tefa hna cu thluachuakmi an si.

PHUNGTHLÛKBIA 31:10

Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran!

PHUNGTHLÛKBIA 31:29

“Nupi ṭha tampi an um, sihmanhsehlaw nangmah nih na lonh dih hna,” a ti.

PHUNGTHLÛKBIA 31:31

Amah cu a kut theitlai ruangah khan thangṭhat u, Hauka ah khan amah cu a rianṭuannak nih khan upatnak hmuhter seh.

SOLOMON HLA 5:16

A anka nih thlum hliarmar tein, Duhcuang ṭhahlei si ai hrim dahkaw, Ka dawtte cu duh nun ṭha si ai, Jerusalem leng rual hna.

ISAIAH 26:7

Bawipa, miṭha cu an lam na sialpiak hna i an zulhmi lam cu na pheiter.

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

MARKA 6:20

Herod nih cun Johan kha a ṭih ngaingai, zeicahtiah mi ṭha le mi thiang a si kha a hngalh i him tein a umter ko. A bia a theih fate lung sivang in a um tawn ko nain a chimmi ngaih kha cu a duh ko.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

LUKA 2:25

Jerusalem khua ah khan mipa pakhat, a min Simeon a simi a rak um. Amah cu miṭha le Pathian a ṭihmi kha a si i Israel khamhnak ding a rak hngakmi kha a si. Thiang Thlarau nih khan a umpi i

LUKA 23:50

Judea ram khua, Arimathea an timi ah hin mipa pakhat a min Josef a simi a um. Amah cu miṭha le hmaizah awktlakmi a si i Pathian Pennak a tlun lainak a hngakmi kha a si. Amah cu Khawngsil chungah khan aa telmi a si ve nain an biachahnak le an thil tinak kha a hna a tla lo.

JOHAN 7:18

Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

LAMKALTU 22:12

“Cuka ah cun mipa pakhat a min Ananias a simi kha a rak um, amah cu biaknak lei i lungthin a ngeimi le kan Phunglam a zulmi le Damaskas khua i a ummi Judah mi vialte nih an hmaizahmi a si.

LAMKALTU 6:3

Cucaah u le nau hna, nan lakah Thiang Thlarau le fimnak in a khat tiah nan hngalhmi pasarih in thim hna u law, cu hna cu hi thil a tawlreltu ah kan thiah hna lai.

ROM 13:13

Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih.

ROM 13:3

Uktu bawi hi ṭhatnak a tuahmi nih cun ṭih awk an si lo i ṭhat lonak a tuahmi lawng nih ṭih awk an si. Nawl ngeitu ṭih loin um na duh ahcun, ṭhatnak tuah law an thangṭhat ko lai.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

ROM 2:29

chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 13:7

Kanmah kha a hlawhtlingmi kan si ti langhnak ding caah si loin, santlailo kan si ko hmanh ah nannih nih cun ahmaan lomi thil kha tuah loin ahmaanmi thil kha nan tuah nakhnga Pathian sinah thla kan cam.

2 KORIN 6:8

An kan upat pah, an kan thangchiat pah, an kan nihsawh pah an kan thangṭhat pah. Lihchim bantukin an kan zoh, sihmanhsehlaw kan chimmi cu biatak a si ṭung,

2 KORIN 8:18

Cun amah he hin kan unau pakhat, thawngṭha chim rian a ṭuannak ah khrihfabu kip nih an hmaizah ngaimi kha kan rak thlah.

2 KORIN 8:21

Kan i tinhmi cu, Bawipa hmuh lawngah si loin, minung mit hmuh zongah a dingmi thil tuah kha a si.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

EFESA 5:9

Zeicah ti ahcun ṭhatnak a phunphun le dinnak a phunphun le biatak a phunphun a chuahtertu cu, ceunak cu a si.

EFESA 6:14

Cucaah timhcia tein dir u: nan taisawm caah biatak kha fek tein i sawmh u; nan ṭangphaw caah dinnak kha i benh u;

DEUTERONOMI 16:20

Biading, biading lawnglawng cu nan zulh lai, nan nun i Bawipa nan Pathian nih an pekmi hna ram cu nan co nakhnga.

FILIPI 3:1

A donghnak ah, ka u le ka nau hna, Bawipa ah cun i lawm ko u. Hmasa i ka rak ṭial cangmi nolh ṭhan kha ka zeeng lo i nanmah an humhaktu hna a si.

KOLOSE 4:5

A zummi a si lomi hna cung i rian nan ṭuan tikah fimnak in ṭuan u law caan ṭha nan hmuhmi paoh kha ṭha tein hman i zuam u.

1THESALON 4:12

Cuticun a zum lomi hna hmaizah kha nan tong lai i nan herhbaunak ah khan ahohmanh i rinh nan hau lai lo.

1TIMOTE 2:2

daite le remte le Pathian ṭihzah le ziaza ṭha in kan nun khawh nakhnga, thlacam u sih.

1TIMOTE 3:11

An nupile zong ziaza ṭhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.

1TIMOTE 3:4

a innchungkhar ṭha tein a zohkhenh khomi a si lai i a fale nih a nawl an ngaihmi le an upatmi a si lai.

1TIMOTE 4:12

Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

1TIMOTE 5:2

a tar deuhmi nu kha na nu bantuk ah rel hna law a no deuhmi nu kha thiannak in na far ah rel hna.

TITAS 1:8

Khualtlung a dawmi a si lai i thil ṭha a duhmi a si lai. Amah le amah aa uk khomi, a dingmi, a thiangmi le aa sum khomi a si lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

TITAS 2:2

Tar deuh pawl kha, rihai hlah u, lungfim in um u, mah le mah aa uk khomi si u; zumhnak le dawtnak le in khawhnak fek a ngeimi si u, tiah na chimh hna lai.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

TITAS 3:14

Kan mi hna cu rian ṭha ṭuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.

HEBRU 11:2

Zumhnak an rak ngeih caah hlanlio mi hna nih khan Pathian cu a lung an rak ton.

HEBRU 13:18

Thla kan campiak lengmang ko u. A hmaanmi thil kha tuah kan duhmi a si zungzal caah kan chiaṭha thleidannak kha a thiang ko.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

2 PETER 3:1

Ka dawtmi ka hawile hna, atu i ca kan kuatmi hna hi a pahnihnak a si. Ka ca chungah, an pahnih tein, tuah kaa zuammi cu, nan lung chung i ruahnak thiang ṭhanghter kha a si i cucaah cun hi thil hi kan chimh ṭhan lengmang hna.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

RUTH 3:11

Cun ka fanu, ṭih hlah, ka khuapi hawi vialte nih nangmah cu mi ṭha na si kha an hngalh ko caah na ka halmi vialte cu kan tuahpiak lai.