FILIPI 4:6 - Lai (Hakha) Common Language Bible 2006

⁶ Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

Laibaibal Thiang (BSI)

⁶ Zeithilhmanhah lungrethei in um hlah u, zeizong vialte ah thlacam le hal in, lawmhnâk bia chimchih pengin, nan duhnâk hna cu Pathian sinah hngalhter u,

FILIPI 4:6 Iomraidhean Croise

1 SIANGPAHRANG 8:28

Sihmanhsehlaw na salpa nih thla ka camnak le kan nawlnak cu ka ngaihpiak ko sawh, maw Bawipa, ka Pathian, nangmah hmaiah nihin ah na salpa nih ka aunak le thla ka cammi cu ka theihpiak ko sawh;

2 CHANRELNAK 32:20

Khi tikah Siangpahrang Hezekiah le Amoz fapa profet Isaiah kha hi ruangah hin thla an cam i van leiah an au.

SALM 51:15

Maw Bawipa, biachim ka bawm law nangmah cu kan thangṭhat lai.

SALM 55:17

Ka ainak le ka hramnak cu zing siseh, chun ah siseh, zan ah siseh, amah sinah an kai zungzal ko i ka aw cu a ka theihpiak ṭheo lai.

SALM 55:22

Na thilri cu Bawipa sinah ṭhum ta law amah nih an bawmh lai; miṭha cu zeitikhmanh ah a sunghter bal lai lo.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 16:3

Na tuahmi vialte cu Bawipa sinah pe law Na khuakhannak cu a tling kho lai.

SOLOMON HLA 2:14

Dai zirziar in lungpang kua a hlum, nang ka ṭhuro, Na hmel dawh cu ka hmuhter rih law, na anka thlum zong, Na awte nih i zel ngiaimai in na mui zong dawh ai.

JEREMIAH 32:16

Cawknak ca cu Neriah fapa Baruk kha ka pek hnuah Bawipa sinah thla ka cam i,

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

DANIEL 3:16

Shadrak, Meshak le Abednego nih cun Nebukhadnezzar Siangpahrang cu an leh i,

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

MATTHAI 10:19

Nan bia an in ceih hna tikah zeidah ka chim lai, ti le zeitindah ka chim lai, ti kha nan khuaruah va har hlah u; a caan a phak tikah chim ding cu pek nan si te ko lai.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MATTHAI 6:34

Cucaah thaizing nih lungretheihnak cu a za in aa ngeih ve ko lai. Ni khat nih a chuahpimi harnak cung i a dang chonh chih lengmang hi a herh lo.

MATTHAI 6:8

Annih bantuk cun va tuah hlah u, zeicahtiah nan Pa nih cun nan hal hlan in nan herhmi cu a hngalh cia ko.

LUKA 10:41

Bawipa nih cun a leh i, “Martha, Martha, thil tam tuk kong ah na lungre a thei i na ing a puang,

LUKA 12:22

Cun Jesuh nih a zultu kha a thawh hna i, “Hi caah hin pei nunnak ca i nan herhmi rawl le nan pum ca i nan herhmi hnipuan kong ah nan lungrethei hlah u kan ti hna cu.

LUKA 12:29

Cucaah ei awk le din awk rumro kha ruat in lungrethei in um hlah u.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

1 KORIN 7:21

Pathian nih an kawh ah khan sal na rak si maw? Na si zongah na zei poi hlah; luatnak caan na hmuh ahcun luat i zuam.

1 KORIN 7:32

Nan lungrethei hlah u ti kan duh hna. Nupi ngei lo pa cu Bawipa duhnak tuah kha aa zuam caah Bawipa rian ah khan lungrethei tein a ṭuan,

2 KORIN 1:11

Nannih nih nan thlacamnak in nan kan bawmh caah, a kan khamh ṭhan ko lai ti zong kha kan i ruahchan. Cucaah cun kan ca i thla tampi nan cammi cu Pathian nih an leh hna lai i thluachuahnak a kan pek lai; cun kanmah ruangah mi tampi nih Pathian cu lawmhnak in an thangṭhat lai.

EFESA 5:20

Kan Bawipa Jesuh Khrih min in zeizong kip caah Pathian cu lawm u.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

KOLOSE 3:15

Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

KOLOSE 4:2

Thlacam ah ṭang u law, lawmhnak in Pathian sinah thla nan cam tikah lungfim tein um u.

1TIMOTE 2:1

Cucaah a hmasa bik ah fial kan duhmi cu, nawlnak le thlacamnak le halnak le lawmhnak biachimnak kha mi vialte caah, kan Pathian sinah tuah u sih. Siangpahrang hna le nawlngeitu hna caah

1TIMOTE 5:5

Ahohmanh bawmtu a ngei lomi nuhmei, Pathian lawng aa bochan i chunzan in a sinah thla a cammi cu nuhmei taktak a si.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

1 PETER 5:7

Amah nih an zohkhenh hna caah nan lungretheihnak vialte kha amah cungah chia dih ko u.

1 SAMUEL 1:15

Sihmanhsehlaw Hannah nih a leh i, “Asilo, ka bawipa, lung rethei ngaingai in a ummi nu ka si; mitsur hang siseh, zu siseh ka ding lo, sihmanhsehlaw Bawipa hmaiah ka lungthin ka bungh a si.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.