FILIPI 3:6 - Lai (Hakha) Common Language Bible 2006

⁶ ka ṭan tuk leiah khrihfabu kha ka hrem. Nawlbia chung thil zulh in din ti ahcun soi awk um lo ka si.

Laibaibal Thiang (BSI)

⁶ zuamnâk lei ah kawhhran serhsattu ka si, nawlbia i dinnâk ah dotla ka si.

FILIPI 3:6 Iomraidhean Croise

2 SAMUEL 21:2

Cucaah siangpahrang nih Gibeon mi kha a auh hna. Gibeon mi cu Israel mi an si lo, Amor mi a tangmi kha an si; Israel mi nih kan in zuah ko hna lai tiin an sinah chiat an rak ser nain, Israel mi le Judah mi hna ca i a ṭan tuknak ah Saul nih khan thah awkah a rak kawl hna.

2 SIANGPAHRANG 10:16

Cun anih nih, “Ka sinah ra law, Bawipa ca i ka ṭanning hi ra zoh tuah,” tiah a ti. Cucaah a rangleng ah khan a citter.

PHUNGCHIMTU 7:16

Cucaah a ṭhat zong ṭha tuk hlah, a fim zong fim tuk hlah, zeicahdah nangmah le nangmah cu naa thah lai?

LEVITIKAS 13:16

Sihmanhsehlaw a sa hring cu aa thlen ṭhan i a rang ah aa can ṭhan ahcun tlangbawi sinah a ra lai i

MATTHAI 23:25

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Nan hrai le nan kheng cu a lenglei kha thiang hirhiar tein nan ṭawl hna, asinain a chung cu nan firmi thil le mah karkalak huih lungthin he mi nan va chuhmi hna thil in a khat ṭung.

MATTHAI 5:20

Cucaah Pathian nih tuah hna seh, ti an duhmi hna tuahnak ah, Phungbia cawnpiaktu saya hna le Farasi mi hna nakin nan fel deuh lo ahcun, Vancung Pennak chungah cun nan lut kho lai lo.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

LAMKALTU 21:20

A chimmi cu an theih tikah Pathian kha an thangṭhat. Cun Paul cu an thawh i, “Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.

LAMKALTU 22:5

Tlangbawi Ngan le khawngsil upa hna nih khan ka chimmi hi biatak a si kha tehte an khaan khawh. Anmah sin cun Damaskas khua i a ummi Judah mi hna pek awk ca kha kaa lak i cuticun hi mi hna hi tlaih i thir cikcin in khih i Jerusalem khua i hunpi i dantat awkah khan ka kal,” tiah a ti.

LAMKALTU 26:5

Cun annih nih hin an chim duh ahcun an hngalh zungzalmi a si ko, a hramthawk tein kan biaknak chung i a fel bikmi Farasi mi phu i aa tel zungzalmi ka rak si.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

1 KORIN 15:9

zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si — a ngaingai ti ahcun lamkaltu ti awk hmanh ka tlak hrimhrim lo.

FILIPI 2:15

Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

1TIMOTE 1:13

Hlanah cun ka rak thangchiat i ka rak hrem i ka rak serhsat, asinain Pathian cu ka cungah zaangfahnak a ngei; cu bantukin ka rak tuah cu amah kha ka rak zumh lo i ka tuahmi cu zeidah a si ti awk ka rak hngalh lo caah a si.

BIACEIHTU 6:30

Cun khuami hna nih cun Joash cu, “Na fapa cu rak chuahpi, Baal biakṭheng cu a chimh i a pawng i a ummi Asherah cu a hau caah a thih awk a si,” tiah an ti.