FILIPI 3:19 - Lai (Hakha) Common Language Bible 2006

¹⁹ Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

Laibaibal Thiang (BSI)

¹⁹ cuhna donghnâk cu rawhralnâk a si, an pathian cu an paw a si, vawlei thil lawng lawng an ruah caah an sunparnâk zong mualphonâk a si.

FILIPI 3:19 Iomraidhean Croise

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.

SALM 52:1

Mi liannganpa, zeicahdah ṭhat lonak na tuahmi cu naa porhlawt? Pathian dawtnak cu a fek ko.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

EZEKIEL 34:3

A hnuk kha nan din, a hmul kha nan i aih i a thaumi kha nan thah hna, sihmanhsehlaw tuu kha nan cawm hna lo.

HOSEA 4:7

Tlangbawi nan tam chin lengmang paoh ah ka cung i nan sualnak kha a tam chin lengmang ve. Upatnak nan hmuhmi cu ningzahnak ah ka canter lai.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MIKAH 3:5

Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:

MALAKHI 1:12

Sihmanhsehlaw nannih nih cun Bawipa cabuai cu thurhhnawmh khawh a si ko, kanmah i zei i kan rel lomi rawl cu a cungah hun khawh a si ko, ti i nan ruahnak thawng hin ka min cu nan thurhhnawmh.

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

LUKA 12:19

Cun keimah le keimah cu kaa thawh lai i, Mivanṭha pa! Kum tampi caah a za in thil ṭha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti.

LUKA 16:19

Voi khat cu mirum pakhat hi a rak um i puan man sung bikbik in aa thuam i nifate in nuam ngaingai in khua a sa.

LUKA 18:4

Biaceihtu nih caan saupi chung cu a al lengmang,

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

1 KORIN 3:3

hi vawleicung mi bantukin pei nan um ko rih cu. Pakhat le pakhat nan i nahchuah i pakhat le pakhat nan i sik tikah hin nannih cu hi vawleimi nan si le hi vawlei ning in nan nunning a si kha a lang ko lo maw?

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

2 KORIN 11:12

Lamkaltu kan si ve, aa timi hna nih khan, anmah bantukin kan ṭuan ve, an ti khawh nakhnga lo, atu i ka tuahmi hi ka tuah lengmang ko lai

2 KORIN 11:15

Cucaah a sal hna nih ṭhatnak sal bantuk an i siter cu thil fawilangte a si ko. A donghnak ah cun an tuahmi thil ruangah khan hmuh awk an i tlakmite kha an hmuh ko lai.

GALATI 6:13

Cuarpar tannak phung a zulmi hna hmanh nih Nawlbia cu an zulh ve hlei ṭung lo; an cuarpar i tan hna seh ti an in duh hna cu, pumsa phung kan chimhmi hna hi an zul tiin i thangṭhat an duh caah pei a si ko cu.

FILIPI 2:21

Midang cu anmah rian lawng kha an ruat cio i Jesuh Khrih kong kha an ruat lo.

KOLOSE 3:2

Hi vawlei cung thil hi si loin khika thil tu kha ruat hna u.

2 THESALON 1:9

Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai.

2 THESALON 2:12

A phichuak cu: biatak a zum lo i sualnak tuah a duhmi vialte kha sualphawt an si lai.

2 THESALON 2:8

Khi tikah Miṭhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

2TIMOTE 3:4

hawi rawi a hmangmi an si lai, duhpaoh khuasa an si lai i porhlawtnak in an khat lai; Pathian nakin nuamhnak kha an duh deuh lai;

JEIM 4:16

Sihmanhsehlaw na lung a puam i naa porhlaw; cu bantuk porhlawtnak vialte cu ahmaan lomi thil a si.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

2 PETER 2:13

fahnak an tluntermi caah khan fahnak in lehrulh an si lai. Annih nih nuamhnak an timi cu chun ceupi i pumsa duhnak zeipaoh tuah kha a si ko; hlennak ah an hmanmi lam kha an zulh peng ko caah nan sin i rawl an ei tik zongah ningzahnak le hmaichiatnak chuahpitu an si.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

JUDAS 1:10

Sihmanhsehlaw hi mi hna nih hin cun an hngalh lomi thil paoh kha zeirello in an um; cun saram bantukin chuahpimi pumsa duhnak in an hngalhmi kha anmah a hrawktu hna thil cu an si.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

1 SAMUEL 2:29

A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?