FILIPI 3:13 - Lai (Hakha) Common Language Bible 2006

¹³ Ka u le ka nau hna, cu thil cu ka phan cang tiah ka ruat hrimhrim lo; sihmanhsehlaw thil pakhat ka tuahmi cu, hnulei thil kha philh i hmailei thil banh i zuam kha a si.

Laibaibal Thiang (BSI)

¹³ Unau hna ka tlaih dih cang tiah ka ruat lo, asinain thil pakhat ka tuah tawn - hnulei i a ummi thil hna kha philh in, hmailei i a ummi thil kha banh in,

FILIPI 3:13 Iomraidhean Croise

SALM 27:4

Bawipa cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte Bawipa inn chung i um le a ṭhatnak kha khuaruahhar in zoh le amah kha lam ka hruai tuah tiin hal cu a si.

SALM 45:10

Siangpahrang bawipa i a ngaknu, ka chimmi hi ngai tuah — na mi le na rualchan kha philh ta hna.

LUKA 10:42

sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.

LUKA 9:62

Jesuh nih a leh i, “Ahohmanh leithuan aa ot i hnulei a zoh peng ṭungmi cu Pathian Pennak caah santlaihnak a ngei lo,” tiah a ti.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

FILIPI 3:12

Hi thil ah hin ka tlam a tling cang ti a si lo i ka tling cang ti zong a si fawn lo. Sihmanhsehlaw a ka ngeitu cu Khrih kha a si cang caah cu thil cu ka ta a si khawh nakhnga kaa zuam lengmang.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

HEBRU 6:1

Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh ṭhan lengmang ti hlah u sih, cun Pathian zumh zong kha a hram in i thawk ṭhan lengmang ti hlah u sih;

2 PETER 3:8

Sihmanhsehlaw ka dawtmi ka hawile hna, hi bia hi philh hlah u. Pathian caah cun ni khat hi kum thong khat bantuk a si i kum thong khat hi ni khat bantuk a si.