FILIPI 2:21 - Lai (Hakha) Common Language Bible 2006

²¹ Midang cu anmah rian lawng kha an ruat cio i Jesuh Khrih kong kha an ruat lo.

Laibaibal Thiang (BSI)

²¹ Zeitintiah midang vialte cu Krih caah kawl loin anmah caah a kawlmi an si.

FILIPI 2:21 Iomraidhean Croise

2 SIANGPAHRANG 12:6

Sihmanhsehlaw Joash siangpahrang a bawi kum kul le kum thumnak tiangah tlangbawi nih inn kha khuazeihmanh an remh rih lo.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MATTHAI 16:24

Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

LAMKALTU 13:13

Paul le a hawile hna cu Pafos khua khan tilawng in an kal i Pamfilia ram Perga khua kha an phan; khika khan Johan Marka nih a kirtak hna i Jerusalem khua ah a tluntak hna.

LAMKALTU 15:38

sihmanhsehlaw an khual tlawnnak a dongh tiang a rak zulh hna lo i Pamfilia in a rak kirtak hna caah khan Paul nih i kalpi awk cu a ṭha tiah a ruat lo.

1 KORIN 10:24

Ahohmanh nih kanmah ca ṭha ding lawng kha kan zoh awk a si lo, midang ca ṭha ding tu kha kan zoh awk deuh a si.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1 KORIN 13:5

Dawtnak cu tlabulbal in khua a sa lo i amah zawn lawng aa ruat lo; a thin a tawi lo, palhnak kha aa cinken peng lo.

2 KORIN 1:5

Khrih nih a inmi temhinnak tampi cu kannih zong kan i hrawm ve bantukin Khrih hnangamnak zong cu kan i hrawm ve.

FILIPI 2:4

Cun midang duhning kha hmuh thiam i zuam u law nanmah duhnak lawng kha ruat hlah u.

2TIMOTE 1:15

Asia ram chung i a ummi nih an dihlak in an ka zamtak ti kha na hngalh, cu hna lakah cun Figelas le Hermogenes zong an i tel.

2TIMOTE 3:2

Mi cu anmah zawn lawng aa ruatmi, a hak a kaumi, aa porhlawmi le lung a puammi an si lai; an nu le an pa kha an zawmhtaih hna lai i an nawl an ngai duh hna lai lo; lawmh a hngal lomi le biaknak zeihmanh i a rel lomi an si lai;

2TIMOTE 4:10

Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal.

2TIMOTE 4:16

Biaceihnak i ka chuah hmasa bik ah cun ahohmanh nih an ka dirpi lo; an dihlak in an ka zamtak. Pathian nih sual ah relpiak sawh hna hlah seh.