FILIPI 2:15 - Lai (Hakha) Common Language Bible 2006

¹⁵ Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin

Laibaibal Thiang (BSI)

¹⁵ â merhmi le â ngerhngawimi chan ah hin, Pathian fa, palhnâk ngei lo, fahnâk pe lo le, sawi awk um loin vawlei ah ceunâk bangin nan ceu lai,

FILIPI 2:15 Iomraidhean Croise

SALM 122:5

Cuka ah cun David chung bawiṭhutdan hna cu, an hun hna.

EXODUS 34:35

a hmai a ceu cu annih nih khan an hmuh. Cun Bawipa he bia i ruah awk i a kal ṭhan hlantiang a hmai cu aa khuh ṭhan tawn.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

PHUNGTHLÛKBIA 8:8

Ka kaa chungin a chuakmi bia vialte cu a dingmi bia an si dih; bia cikngerh le hrokhrawl bia pakhat hmanh an um lo.

ISAIAH 60:1

Tho tuah, Jerusalem, ni bantukin tlang tuah; Bawipa sunparnak cu na cungah a tlang!

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 17:17

Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna.

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

JOHAN 5:35

Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna.

LAMKALTU 2:40

Peter nih cun bia dang zong tampi a chimh hna i, “Hi chan ṭhalo cungah a tlung dingmi dantatnak hin luat i zuam ko u,” tiah a forh hna.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

ROM 16:19

Thawngṭha kong i zumhawktlak nan si kha a mi kip nih an theih i cucaah cun nan kongah hin ka lung aa lawm. Ṭhatnak leiah cun mifim si u ti kan duh hna, sihmanhsehlaw chiatnak leiah cun ngakchia cuampual si ko u ti kan duh hna.

1 KORIN 1:8

Amah nih cun a dongh tiangin fek tein an umter hna lai i kan Bawipa Jesuh Khrih Ni ah cun ahohmanh nih sual an in phaw kho hna lai lo.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

EFESA 5:27

Cu ti a tuah cu khrihfabu kha i dawhte le thiangte le soi awk zeihmanh um lo le dawh lonak le sawngkornak zeihmanh um lo le tlin lonak dang zeihmanh um loin amah sin lila ah khan pek a duh caah a si.

DEUTERONOMI 32:5

Annih nih a cungah ṭhat lonak an tuah, An dotlak lonak thawngin a fale an si ti lo; Milolak le mizer chan an si.

FILIPI 1:10

cuticun a ṭha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

FILIPI 3:6

ka ṭan tuk leiah khrihfabu kha ka hrem. Nawlbia chung thil zulh in din ti ahcun soi awk um lo ka si.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

1TIMOTE 3:10

Annih cu hneksak hmasa an si lai i an awn ahcun an ṭuan lai.

1TIMOTE 3:2

Khrihfabu hruaitu cu soisel awk um lomi, nupi pakhat lawng a ngeimi, zu rit hmang lomi, mah le mah aa uk khomi, ningcang tein khua a sami, khualtlung a dawmi, cawnpiak a thiammi a si lai;

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

1TIMOTE 5:20

Sualnak a tuahmi kha zapi hmaiah chimhring hna law a dang nih khan an ṭih lai.

1TIMOTE 5:7

Annih cu ahohmanh nih an mawhchiat hna nakhnga lo hi nawlbia hi pe hna.

TITAS 1:6

Cu hna cu: Khrihfa upa cu mawhchiat awk a um lomi an si lai, nupi pakhat lawng a ngeimi an si lai, an fale kha a zumtu a simi an si lai i puarhran lei le nawlngaih lo leiah minthang lomi an si lai, ti kha an si.

TITAS 2:10

Thil zeipaoh an tuahnak ah khan kan Khamhtu Pathian kha a thang an ṭhat nakhnga ṭha te le zumh awk tlak tein an tuah awk a si.

TITAS 2:15

Hihi cawnpiak hna law thazang na pek hna le na chimhhrin hna tikah na nawlngeihnak kha fak piin hmang. Ahohmanh i zohchukter hna hlah.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

BIAPHUAN 2:5

Zeitluk niam i na tlak cang kha philh hlah. Na sualnak kha mertak hna law hmasa i na rak tuah tawnmi kha tuah ṭhan hna. Na sualnak kha na mertak hna lo ahcun, ka ra lai i na mei vannak kha a umnak hmun in ka ṭhial lai.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.