FILIPI 2:13 - Lai (Hakha) Common Language Bible 2006

¹³ Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

Laibaibal Thiang (BSI)

¹³ zeitintiah Amah lawmhnâk le duhnâk bangin nanmah ah a ṭuntu cu Pathian a si.

FILIPI 2:13 Iomraidhean Croise

1 SIANGPAHRANG 8:58

zeitintiah amah nih kan pupa nawl a rak pekmi hna a nawlbia hna le a phungbia hna le a phunglam hna cu kan zulh hna nakhnga, amah leiah kan lung kha a sor tlukter ko seh.

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

EZRA 1:1

Persia siangpahrang Sairas a bawi kum khatnak ah, Jeremiah kaa in Bawipa nih a chimmi bia kha a tlin nakhnga, Persia siangpahrang Sairas lungthin cu Bawipa nih a thawhter i cucaah a ram dihlak ah khan thawngthanhnak a tuah i ca zongin a ṭial:

EZRA 1:5

Khi tikah Judah phun le Benjamin phun chung i pale innchungkhar lu cio a simi hna le tlangbawi hna le Levi mi hna, Bawipa inn Jerusalem i a ummi sak ṭhan awkah Pathian nih an lungthin a canghtermi vialte kha an tho i,

EZRA 7:27

Ezra nih, “Bawipa, kan pupa hna Pathian cu thangṭhat si ko seh. Bawipa inn Jerusalem i a ummi kha dawhter awkah hi thil hi amah nih siangpahrang lung chungah khan a chiah i

NEHEMIAH 2:4

Cun siangpahrang nih cun a ka thawh i, “Zeidah na ka hal duhmi a si?” tiah a ti. Cucaah vancung Pathian sinah khan thla ka cam.

JOB 33:29

Hi thil vialte hi Pathian nih minung cungah a tuah lengmang tawn ko,

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 119:36

Rumnak nakin na nawlbia zulh kha ka duhter deuh.

SALM 141:4

Thil ṭhalo tuah duhnak ka ngeih sual nakhnga lo le miṭhalo hna thil ṭhalo tuahnak ah kaa tel ve nakhnga lo, ka lungthin hi nangmah nih kham ko; an puai ah cun a tel in i tel hlah ning!

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

ISAIAH 26:12

Bawipa, nangmah nih rumnak na kan pek lai; kan tuah khawhmi thil vialte hi nangmah tuahmi lawngte an si dih.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

JEREMIAH 32:38

Annih cu ka mi an si lai i kei cu an Pathian ka si lai.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

JOHAN 6:45

Profet nih pei, ‘Mi vialte kha Pathian nih a cawnpiak hna lai,’ tiah an ṭial kha. Ka Pa aw kha a thei i amah zia a cawngmi paoh cu ka sinah an ra.

JOHAN 6:65

Cun aa thawh ṭhan i, “Hi ruangah hin pei, ka Pa nih an caah lam a serpiak hna lo ahcun ahohmanh ka sinah an ra kho lo, tiah ka rak in chimh hna kha a si cu,” tiah a ti.

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

ROM 9:11

Sihmanhsehlaw pakhat u a thim kha Pathian tinhning lawnglawng in a si nakhnga caah Pathian nih Rebekka cu, “A u nih a nau kha a rianh lai,” tiah a chimh. Hi bia a chim hi an chuah hlanah a si, a ṭha siseh, a ṭhalo siseh, zeihmanh an tuah hlan ah a si; cucaah Pathian nih pakhat a thim cu anmah an tuahmi ruangah khan a si lo, amah nih a kawh ruang tu ah khan a si ko.

ROM 9:16

Cucaah mi nih an duhmi thawng le an tuahmi thawngin si loin Pathian zaangfahnak thawng lawngin a si ko.

1 KORIN 12:6

Rian ṭuan khawhnak hi a phunphun in a um, sihmanhsehlaw cu bantuk ṭuan khawhnak a petu hna cu Pathian ṭhiamṭhiam kha a si ko.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 1:5

Pathian nih cun kannih cu Jesuh Khrih thawngin a fa i cohlan awk kha a rak timh cangmi le a duhmi a si.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

2 THESALON 1:11

Hi ruangah hin nan ca i thla kan cam zungzal cu a si. Pathian nih an kawhnak hna he aa tlakmi nunning in nan nun nakhnga kan Pathian cu kan hal lengmang. Amah nih cun nan duhmi vialte cu ṭhatnak caah tlinter seh law nan zumhnak rianṭuannak cu tlamtlinter ko seh.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i