FILIPI 2:11 - Lai (Hakha) Common Language Bible 2006

¹¹ Pathian kan Pa sunparnak caah cun lei vialte nih Jesuh cu Bawipa a si, an ti lai.

Laibaibal Thiang (BSI)

¹¹ lei vialte nih Pa Pathian sunparnâk dingah Jesuh Krih cu Bawi a si, tiin an phuan lai.

FILIPI 2:11 Iomraidhean Croise

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 18:49

Cucaah miphun kip sinah nangmah cu kan thangṭhat lai i na thangṭhatnak cu hla in ka sak lai.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

MATTHAI 10:32

“Amah mi ka si, tiah zapi hmaiah a phuang ngammi cu vancung khua i ka Pa hmaiah kei zong nih cuticun amah cu ka ti ve lai.

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

JOHAN 12:42

Cuti a si na cun Judah mi upa tampi nih khan Jesuh cu an zumh; sihmanhsehlaw Farasi pawl hna ruangah khan langhngan in an chim ngam lo, pumhnak inn i ṭhawl lai kha an phang.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

JOHAN 13:14

Kei nan Saya le nan Bawipa a simi nih nan ke kan ṭawl hna ahcun nannih zong pakhat le pakhat nan ke nan i ṭawlpiak awk a si.

JOHAN 14:13

Pa sunparnak cu Fapa thawngin a langh khawh nakhnga, ka min in nan halmi paoh cu kan tuahpiak hna lai.

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

JOHAN 17:1

Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

JOHAN 20:28

Thomas nih cun, “Ka Bawipa le ka Pathian,” tiah a ti.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

JOHAN 9:22

Cu bantukin a nu le a pa nih an chim cu zeicahdah a si ti ahcun, Judah upa hna nih khan Jesuh cu Messiah a si tiah a titu paoh cu pumhnak inn khan kan chuah hna lai tiah hnatlaknak an rak tuah cang i cu hna cu an ṭih hna caah a si.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

ROM 14:11

Zeicahtiah Cathiang nih, “Ka nun bangin, mi vialte nih ka hmaiah an khuk an i bil lai i Mi vialte nih keimah cu Pathian a si an ka ti lai, tiah Bawipa nih a ti,” a ti bang khan a si lai.

ROM 14:9

Zeicahtiah Khrih a thih i a thawh ṭhan cu a nungmi he a thimi he an Bawi si awkah a si.

ROM 15:9

Cu lawng si loin, Pathian cu mi cungah zaangfahnak a ngeih caah Jentail mi hna nih an thangṭhat lai ti duhnak a si fawn. Cucu Cathiang nih, “Jentail mi hna lak hmanh ah nangmah cu kan lawmh lai i Na min cu hla in ka thangṭhat lai,” a ti bantuk le

1 KORIN 12:3

Cucaah cun Pathian Thlarau i a hruaimi hna nih cun, “Jesuh cu chiat ko seh,” an ti kho bal lo i, Thiang Thlarau i a hruai hna dah ti lo ahcun, “Jesuh cu Bawipa a si,” an ti kho bal pek lo.

1 KORIN 15:47

Adam pakhatnak cu vawlei dip in sermi a si, Adam pahnihnak tu cu vancung in a rami a si.

1 KORIN 8:6

sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1JOHAN 4:15

Jesuh cu Pathian Fapa a si tiah a titu paoh cu, a chungah Pathian a um i Pathian chungah a ummi a si.

1JOHAN 4:2

Pathian Thlarau a si le si lo cu hitihin nan hngalh khawh lai: Jesuh Khrih cu minung in a ra, tiah a timi paoh kha Pathian sinin a rami Thlarau a ngeimi cu an si.

2 JOHAN 1:7

Hlengtu tampi, Jesuh Khrih cu minung in a ra lo pei, a titu hna kha vawlei cungah an i chawk. Cu bantuk mi cu mihlengtu kha an si i Khrih Ral kha an si.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.