FILIPI 1:7 - Lai (Hakha) Common Language Bible 2006

⁷ Ka hnakkar ah nan i tenh zungzal ko. Hi bantukin nan cungah lungthin ka ngeih hi ka ngeih hrim awk a si ko, zeicahtiah nan ka dawt tuk hringhran i thong i ka tlak ah siseh, leng i ka luat ah siseh, Thawngṭha kha ahmaan i biatak a si tiin ka chimnak rian ah khan nan ka bawmh zungzal.

Laibaibal Thiang (BSI)

⁷ Ka lungthin ah nan ummi hi ka ruah tikah ka caah a dikmi a si tiah ka ruah, cikcin i khih ka sinâk le, thawngṭha kilvennâk le diknâk fehter dingin ka ṭuanmi rian ah nannih zong nih zângfahnâk in nan i hrawm ve.

FILIPI 1:7 Iomraidhean Croise

LAMKALTU 20:23

Ka hngalhmi cu Thiang Thlarau nih a ka chimh bantukin, khua kip ah thongtlaknak le harnak nih an ka orh ko ti hi a si.

LAMKALTU 21:33

Ralkap haotu nih cun Paul cu a tlaih i thir cikcin a thuah in nan khih lai tiah a ti. Cun aa thawh i, “Hi pa hi ahodah a si? Zeidah a tuahmi a si?” tiah a hal hna.

1 KORIN 13:7

Dawtnak cu a lung a dong bal lo, zumhnak a ngei, ruahchannak a ngei, a lung a sau i a thin a fual.

1 KORIN 9:23

Hi vialte hi tiin ka tuah cu thawngṭha ruangah khan a si, cu thawngṭha cu mi vialte ka hrawm khawh hna nakhnga ka duh caah a si.

2 KORIN 3:2

Kan ca kenmi cu nanmah kha pei nan si cu, kan lungthin cungah mi vialte hngalh awk le rel awkin ṭialmi cu.

2 KORIN 7:3

Hi bantukin ka chim hi nanmah kha sualphawt kan duh hna caah a si lo; ka chim cang bang khan nannih cu kan lungthin chungah nan um tuk hringhran caah a si i kan nun ah nun ṭi, kan thih ah thih ṭi kan si ko lai.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

FILIPI 1:12

Ka u le ka nau hna, ka cung i thil a tlungmi kha Thawngṭha karhtertu a si lehlam ti kha hngalhter kan duh hna.

FILIPI 1:13

Kha ti ka cung i thil a tlungmi ruangah khan siangpahrang inn a cawngtu vialte hna le a dang vialte hna zong nih Khrih sal ka si ruang i thong tlaknak ka in hi an hngalh.

FILIPI 1:14

Cun thong ka tlaknak nih hin kan unau pawl a tam deuh kha Bawipa an zumhnak ah lungfehnak a pek hna i cucaah an ral a ṭha chinchin i ṭih lo tein Thawngṭha bia kha an chim.

FILIPI 1:5

zeicahtiah a hramthawk tein nihin ni tiang, hi Thawngṭha rian ka ṭuannak ah hin nan ka bawmh zungzal.

FILIPI 2:22

Cu bantuk mi a si taktak ti cu nanmah hrimhrim nih nan hngalh ko i zeitindah keimah le amah cu pa le fa bantukin Thawngṭha rian kan ṭuan ti kha nan hmuh.

FILIPI 4:14

Asinain harnak ka tonmi ah nan ka bawmh caah kaa lawm ngaingai.

FILIPI 4:15

Nannih Filipi khuami nih nan hngalh ko kha ta, Thawngṭha ka rak chim ka hrawng i Masidonia ram in ka kal ah khan a rak si; nanmah lawnglawng kha bawmhnak a ka petu khrihfabu nan rak si; nanmah lawnglawng kha ka sunghnak siseh, ka miaknak siseh a ka hrawmpitu nan si.

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

KOLOSE 4:18

Paul nih nan kut kan tlaih hna timi bia hi keimah hrimhrim nih ka kut in ka ṭial. Ka thir cikcin hi rak philh hlah u. Pathian vel cu nan cungah um ko seh.

KOLOSE 4:3

Cun Pathian nih a bia chimnak caan, Khrih biathli phuannak caan cu a kan pek nakhnga kannih ca zongah thla rak cam lengmang ve u. Atu thong i ka tlaknak chan hi cucu pei a si cu.

1THESALON 5:5

Nannih cu nan dihlak in ceunak mi nan si, chun mi nan si, zan mi kan si lo, muihnak mi zong kan si lo.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

FILEMON 1:13

Thawngṭha ruang i thong chung i ka um lioah hin, nangmah can i a ka bawmtu dingah amah hi ka sinah um seh ti cu ka duh ko.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

2 PETER 1:13

Ka nun chung paoh cu, hi kong kan hngalhter ṭhan lengmang hna hi a herh hrimhrimmi a si, tiah ka ruah.

1JOHAN 3:14

Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw hna lomi paoh cu thihnak chungah a um ko rih.