FILIPI 1:18 - Lai (Hakha) Common Language Bible 2006

¹⁸ Zeihmanh a poi lo! Khrih kong chim a si paoh ahcun kaa lawm ko — tinhmi ṭha in a si zongah, tinhmi chia in a si zongah — kaa lawm lengmang ko lai.

Laibaibal Thiang (BSI)

¹⁸ Zeidah poi? A deu in siseh, a tak in siseh, zeitilei pauh zongin Krih kong chim a si ko, cunih cun a ka lawmhter, kâ lawm chin lai.

FILIPI 1:18 Iomraidhean Croise

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MARKA 12:40

Nuhmei kha an ei an hmuar hna i an inn an lo kha an chuh hna. Cun zapi nih kan hmu hna seh tiin thla kha sau pipi in an cam. Hi hna hi cu an dantatnak kha a fak chinchin men ko lai,” tiah a ti.

LUKA 9:45

Sihmanhsehlaw cucu a sullam zeidah a si ti kha an hngal lo. An hngalh nakhnga lo thuhkanh an si i cu kong cu amah hal kha an ngamh fawn lo.

LUKA 9:50

Jesuh nih a thawh i, “Thlauh hna hlah u, zeicahtiah an dotu hna a si lomi paoh cu an bawmtu hna an si,” tiah a ti.

ROM 3:9

A si ahcun, kannih Judah mi hi tah, Jentail mi hna nakin kan dirhmun a ṭha deuh hlei kun maw? Ṭha deuh hlei nemmam hlah. Ka langhter cang bang khan Judah mi he Jentail mi he kan dihlak in sualnak ṭhawnnak tang i a ummi kan si.

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.

1 KORIN 10:19

Ka chim duhmi cu zeidah a si? Siasal a si ah, an pekchanhmi rawl a si ah, zei an si tinak a si maw?

1 KORIN 14:15

Cucaah zeitindah ka tuah awk a si lai? Ka thlarau in thla ka cam lai i ka lungthin zongin ka cam fawn lai; ka thlarau in hla ka sa lai i ka lungthin zongin ka sak fawn lai.

1 KORIN 15:11

Keimah i kan chimh hna a si zongah, annih i an in chimh hna a si zongah zeihmanh a poi lo. Kan dihlak in kan chim ciomi cu hihi a si ko i nannih nih nan zumhmi cu hihi a si ko.

FILIPI 1:19

Zeicah ti ahcun, nan thlacamnak thawng le Jesuh Khrih sinin a rami thlarau bawmhnak thawngin luatter ka si lai, ti kha ka hngalh.