FILIPI 1:13 - Lai (Hakha) Common Language Bible 2006

¹³ Kha ti ka cung i thil a tlungmi ruangah khan siangpahrang inn a cawngtu vialte hna le a dang vialte hna zong nih Khrih sal ka si ruang i thong tlaknak ka in hi an hngalh.

Laibaibal Thiang (BSI)

¹³ cuticun cikcin i khih kasinâk chan hi siangpahrang inn a kilvengtu ralkap vialte sinah le mi vialte sinah Krih ruangah a si ti kha fiang tein a lang cang.

FILIPI 1:13 Iomraidhean Croise

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

LAMKALTU 26:31

an i ṭhial hnuah khin pakhat le pakhat cu, “Hi pa hi thah awk tlak thil siseh, thong thlak awk tlak thil siseh, zeihmanh a tuahmi a um lo,” tiah an ti.

LAMKALTU 28:17

Ni thum hnuah cuka i a ummi Judah mi hruaitu hna kha Paul nih cun pumh a sawm hna. An i pumh tikah a thawh hna i, “Ka u le ka nau hna, kan miphun cungah siseh, kan pupa hna sinin kan hmuhmi kan phunglam cungah siseh ṭhat lonak zeihmanh ka tuah lo nain Jerusalem ah thong ah an ka thlak i Rom mi hna kut chungah an ka chanh.

LAMKALTU 28:20

Cucaah cun nannih hmuh le biaruah kan duhnak hna cu a si; hi thir cikcin in an ka khihnak hi Israel mi nih an rak i ruahchan zungzalmi pa ruangah a si,” tiah a ti hna.

LAMKALTU 28:30

Kum hnih chung Paul cu khika ah inn aa hlan i a um; amah chawnhbiak awkah a rami vialte kha a rak lawmh hna.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

FILIPI 1:30

Cucaah i dohnak chungah hin ka sinah nan i tel ve kho lai; hi i dohnak cu, hlan i ka rak dohmi nan rak hmuh cangmi le atu zong i ka doh lengmangmi nan rak theihmi ṭhiamṭhiam hi a si ko.

FILIPI 1:7

Ka hnakkar ah nan i tenh zungzal ko. Hi bantukin nan cungah lungthin ka ngeih hi ka ngeih hrim awk a si ko, zeicahtiah nan ka dawt tuk hringhran i thong i ka tlak ah siseh, leng i ka luat ah siseh, Thawngṭha kha ahmaan i biatak a si tiin ka chimnak rian ah khan nan ka bawmh zungzal.

FILIPI 4:22

Siangpahrang inn cawngtu pawl le hika i a ummi Pathian mi vialte hna zong nih nan kut an in tlaih hna.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.