FILEMON 1:14 - Lai (Hakha) Common Language Bible 2006

¹⁴ Sihmanhsehlaw hnekchom in i bawmhter cu kan duh lo, nangmah nih nangmah lungtho tein na ka bawmh kha ka duh deuh. Cucaah cun nangmah hnatlak lomi cu zeihmanh ka tuah lai lo.

Laibaibal Thiang (BSI)

¹⁴ Asinain na hnatlâknâk loin zeihmanh tuah ka duh lo, cucu thilṭha na tuahmi zong hnekchawm si loin mah lungtho tein tuahmi a si nâkhnga.

FILEMON 1:14 Iomraidhean Croise

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

1 KORIN 9:7

Ralkap aho nih dah ralkap chung i an um lioah anmah tein an paw an i cawm bal? Lothlopa ahodah a lo chungin a chuakmi mitsur thei ei loin a um bal? Tuukhal ahodah a tuurun chungin a hmuhmi tuu hnuk ding loin a um bal?

2 KORIN 1:24

Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 9:5

Cucaah hi kan unau hna hi ka hlanah nan sin i ratter i nan i kammi laksawng kha timhcia tein rak chiah cu a herh tiah ka ruah. Cun kei ka hung phak tikah timhcia te cun a rak um cang lai i hnekchommi si loin pek nan duh hrimhrim ca i nan pekmi a si kha a lang lai.

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.